বান সহায্যক লৈ কামপুৰৰ পটিয়াপামত উত্তপ্ত পৰিস্থিতি - ASSAM FLOOD 2024

কামপুৰ,৪ জুন: কাৰ্বি লাংপি জলবিদ্যুৎ প্ৰকল্প ৪ টাকৈ গেট খুলি দিয়া লগতে খানদাঙৰ ৭ খন গেট খুলি দিয়াত বৰপানী আৰু কপিলী নৈৰ জলপৃষ্ঠ যথেষ্ট বৃদ্ধি পায় । ফলত বঢ়মপুৰ সমষ্টিৰ ডবকা, কামপুৰ ৰাজহ অন্তৰ্গত প্ৰায় ১৬০ খন গাঁও বানৰ কৱলত পৰে । ওখ ঠাইত আশ্ৰয় লোৱা বানাক্ৰান্ত লোকসকলৰ বাবে অসম চৰকাৰে বান সাহায্য ঘোষণা কৰে । পিছে বান সহায্যক লৈ মঙলবাৰে কামপুৰৰ পটিয়াপামত উত্তপ্ত পৰিস্থিতি সৃষ্টি হয় ।  

বানাক্ৰান্তৰ নামত অহা টিৰ্পাল বিতৰণক কেন্দ্ৰ কৰি সৃষ্টি হয় এই উত্তপ্ত পৰিস্থিতিৰ । ১৪৩ ঘৰৰ পৰিৱৰ্তে মাত্ৰ ৪৫ খন টিৰ্পাল অহাত বানাক্ৰান্ত লোকসকলে আৱদ্ধ কৰি ৰাখে ডবকা ৰাজহ চক্ৰৰ পটিয়া পাম লাটমণ্ডলক । ঘটনাস্থলীত ৰাজহ চক্ৰৰ অন্য বিষয়াসকল উপস্থিত হোৱাত পৰিস্থিতি কিছু পৰিমাণে শাম কাটে যদিও পুনৰ ১৪৩ খন টিৰ্পাল আনি সকলোকে বিতৰণ কৰাতহে ক্ষান্ত হয় ৰাইজ । 

লগতে পঢ়ক: বানৰ কবলত ৰাজ্যৰ দহখন জিলা, কালৰূপী বানত বৰ্তমানলৈ শিশুসহ ১৮ জনৰ মৃত্যু - ASSAM FLOOD 2024