কলিয়াবৰৰ ৰৌমাৰীত দুৰ্ঘটনা, দুগৰাকী মহিলাসহ 5 গৰাকী আহত

কলিয়াবৰ, 23 ফেব্ৰুৱাৰী : ক্ৰমাৎ দুৰ্ঘটনাৰ হট্‌স্পটলৈ ৰূপান্তৰিত হৈছে কলিয়াবৰৰ ৰাজপথ ৷ আজিও পুনৰ এক পথ দুৰ্ঘটনা সংঘটিত হয় কলিয়াবৰত ৷ কলিয়াবৰ আৰক্ষী নিৱেশৰ এলেকাধীন ৰৌমাৰীত সংঘটিত হয় এক পথ দুৰ্ঘটনা ৷

দুখন বিলাসী বাহনৰ মুখামুখি সংঘৰ্ষত আহত হয় দুগৰাকী মহিলাসহ 5 গৰাকীকৈ আৰোহী ৷ আহত আৰোহীকেইজনক মিছা আৰক্ষীয়ে স্থানীয় লোকৰ সহযোগত উদ্ধাৰ কৰি ততাতৈয়াকৈ কলিয়াবৰ মহকুমা অসামৰিক চিকিৎসালয়ত ভৰ্তি কৰে ৷ তেজপুৰৰ পৰা গুৱাহাটী অভিমুখী আছিল ৱেগেনাৰ বাহনখন ৷ আনখন বাহন নগাঁৱৰ পৰা তেজপুৰ অভিমুখী আছিল ৷

দুৰ্ঘটনাগ্ৰস্ত নগাঁও অভিমুখী ৱেগ'নাৰ খনৰ নম্বৰ AS 01 FB 7105 ৷ আনহাতে বিপৰীতমুখী মহিন্দ্ৰ টি. ইউ. ভি. (TUV) খনৰ নম্বৰ AS 12 W 9244 ৷ দুৰ্ঘটনাত গুৰুতৰভাৱে আহত দুই মহিলা ক্ৰমে চম্পা দাস আৰু নমিতা দত্ত বুলি পৰিয়ালৰ লোকে জানিবলৈ দিছে ৷ আন কেইগৰাকী আহত ক্ৰমে আৰ্ছী মাইটি, শোভিক দত্ত, খগেশ ডেকা আৰু সংগীত বৰা ৷

লগতে পঢ়ক : ভেটাপাৰাত তীব্ৰবেগী ডাম্পাৰে প্ৰাণ ল’লে স্কুটী আৰোহীৰ