চিনেমাৰ কায়দাৰে পিষ্টল দেখুৱাই ডকাইতে কাঢ়ি নিলে চলন্ত স্কুটী - Robbery in Nalbari

নলবাৰী, ১ জুন: ৰাজ্য়ত বৃদ্ধি পাইছে ডকাইতিৰ ঘটনা । ইয়াৰ মাজতেই নলবাৰী জিলাৰ পল্লা পথত সংঘটিত হয় এক চাঞ্চল্য়কৰ ডকাইতিৰ ঘটনা । শুকুৰবাৰে নিশা দুটা ডকাইতে পিষ্টল দেখুৱাই এজন লোকৰ পৰা কাঢ়ি নিয়ে এখন দুচকীয়া বাহন আৰু নগদ ধন । জিলাখনৰ বেলশৰ আৰক্ষী থানাৰ অন্তৰ্গত সৰ্থেবাৰী সংযোগী পথৰ মিলিজুলি চ’কত সংঘটিত হৈছে এই ঘটনাটো ।  

ভুক্তভোগী কমল ভাগৱতীয়ে এই সন্দৰ্ভত কয় যে তেওঁ শুকুৰবাৰে নিশা নলবাৰীৰ পৰা মটৰ চাইকেলেৰে আহি থাকোতেই দুজনীয়া ডকাইতৰ দলটোৱে তেওঁৰ পৰা চলাই যোৱা স্কুটীখন আৰু নগদ ধন কাঢ়ি নিয়ে । পিছত ঘটনা সন্দৰ্ভত ভুক্তভোগীয়ে বেলশৰ আৰক্ষী থানাত এই বিষয়ে এজাহাৰ দাখিল কৰাত আৰক্ষী ঘটনাস্থলীত উপস্থিত হৈ তদন্ত প্ৰক্ৰিয়া আৰম্ভ কৰে ।  

উল্লেখযোগ্য যে জিলাখনৰ বনগাঁৱৰ কমল ভাগৱতী নামৰ লোকজনে নলবাৰী চহৰৰ কৰ্মস্থলীৰ পৰা ঘৰলৈ গৈ থাকোতে নিশা ৰাজপথত মটৰ চাইকেলেত অহা ডকাইতৰ দলটোৱে বাট আগচি ধৰি তেওঁৰ স্কুটী আৰু নগদ ধন কাঢ়ি লৈ যায় । 

লগতে পঢ়ক:পিষ্টল দেখুৱাই ডকাইতে লুটি নিলে ধন - Robber Gang In Jorhat