নলবাৰীত প্ৰধানমন্ত্ৰীৰ বিশাল জনসভা LIVE - Lok Sabha Election 2024

আজি নলবাৰীত নিৰ্বাচনী ৰণশিঙা বজাব দেশৰ প্ৰধানমন্ত্ৰী নৰেন্দ্ৰ মোদীয়ে । নলবাৰীৰ ২৭ নং ৰাষ্ট্ৰীয় ঘাইপথৰ দাঁতিৰ বৰকুৰাৰ বিদ্যাঞ্চলৰ বিশাল ভূমিত বৰপেটা লোকসভা সমষ্টিৰ বিজেপি মিত্ৰজোঁটৰ প্ৰাৰ্থী ফণীভূষণ চৌধুৰীৰ হৈ প্ৰধানমন্ত্ৰী নৰেন্দ্ৰ মোদীয়ে চলাব নিৰ্বাচনী প্ৰচাৰ । প্ৰধানমন্ত্ৰীয়ে লগতে দৰং-ওদালগুৰি আৰু কোকৰাঝাৰ লোকসভা সমষ্টিৰ মিত্ৰজোঁটৰ প্ৰাৰ্থী দুগৰাকীৰ হৈয়ো চলাব নিৰ্বাচনী প্ৰচাৰ ।প্ৰধানমন্ত্ৰীৰ এই বিশাল জনসভাত তিনিওটা লোকসভা সমষ্টিৰ পৰা প্ৰায় দুই লাখ লোক সমাগম হ’ব বুলি ইতিমধ্যে মুখ্যমন্ত্ৰীৰ লগতে স্থানীয় মন্ত্ৰী জয়ন্ত মল্ল বৰুৱাই জানিবলৈ দিছে । আজিৰ প্ৰধানমন্ত্ৰীৰ জনসভাক লৈ অঞ্চলটোত অধিক কটকটীয়া কৰি তোলা হৈছে নিৰাপত্তা বেষ্টনী । নলবাৰীৰ ৰাষ্ট্ৰীয় ঘাইপথকে ধৰি কেইবাটাও পথত নিৰ্দেশনা জাৰি কৰিছে জিলা প্ৰশাসনে ।