দ্ৰুতবেগী ৰে’লৰ খুন্দাত মৃত্যু এজনৰ, এজন আহত - Bonda Train accident

গুৱাহাটী, ২১ জুন : মহানগৰীৰ বোন্দাত বৃহস্পতিবাৰে নিশা ভয়ংকৰ অঘটন সংঘটিত হয় । তীব্ৰবেগী ৰে’লৰ খুন্দাত মৃত্যু হয় এজন যুৱকৰ ৷ এই ঘটনাত গুৰুতৰভাৱে আহত হয় আন এজন যুৱক । জানিব পৰা মতে, বৃহস্পতিবাৰে নিশা প্ৰায় ১১ বজাত নামনিমুৱা ৰে’লে খুন্দিওৱাৰ ফলত মৃত্যু হয় চাহিল চাংমা নামৰ যুৱকজনৰ । আহত যুৱকজনৰ নাম প্ৰসেনজিত দাস বুলি জানিব পৰা গৈছে ৷ 

লগে লগে স্থানীয় লোকে পানীখাইতি আৰক্ষীক খবৰ দিয়াত আৰক্ষীৰ লগতে RPF ৰ লোক ঘটনাস্থলীত উপস্থিত হয়  । ইফালে আহত যুৱকজনক গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰা হয় । বোন্দা গাঁৱৰ নিবাসী যুৱক দুজনে ৰে’ল লাইনৰ মাজেৰে খোজকাঢ়ি গৈ থকা সময়তে সংঘটিত হয় দুৰ্ঘটনাটো ।

লগতে পঢ়ক: হিট্ এণ্ড ৰাণ : যোৰহাটৰ শোকাৱহ পথ দুৰ্ঘটনাত প্ৰাণ হেৰুৱালে দুজনে - HIT AND RUN CASE