এমাহ নহওতেই বন্ধ হ'ল নৈশ ফেৰী জাহ্নৱী

মাজুলী: দেওবাৰৰ পৰা বন্ধ ঘোষণা হ'ল অফলামুখ-নিমাতীৰ মাজত চলাচল কৰা নৈশ ফেৰী সেৱা । ৰোড ট্ৰেকিং আপডেট নোহোৱাৰ বাবে বন্ধ ঘোষণা কৰা হৈছে নৈশ ফেৰী জাহ্নৱী । দেওবাৰৰ পৰা অনিৰ্দিষ্টকাললৈ বন্ধ ঘোষণা এই নৈশ ফেৰী সেৱা । জাহাজ চলাচল কৰা জলপথ ট্ৰেকিং আপডেট সম্পূৰ্ণ হ'লেহে চলালচল কৰিব বুলি জানিবলৈ দিছে বিভাগীয় কৰ্তৃপক্ষই । ১২ ডিচেম্বৰ পৰা চলাচল কৰিছিল নৈশ ফেৰীখন ।  

মাজুলীৰ দুই লক্ষ জনসাধাৰণৰ দক্ষিণ পাৰৰ লগত যোগাযোগৰ একমাত্ৰ মাধ্যম এই ফেৰী সেৱা । এই ফেৰীসেৱা বিয়লি তিনি বজাৰ পিচতেই বন্ধ হৈ পৰাৰ ফলত সমস্যাৰ সন্মুখীন হ'বলগীয়া হয় বিভিন্ন কাৰণত পৰাপাৰ হ'বলগীয়া যাত্ৰীসকল । যোৱা ১২ ডিচেম্বৰ পৰা চলাচল কৰিছিল এই জাহ্নৱী নামৰ নৈশ ফেৰীখন ।

নৈশ ফেৰীখন চলাচল হোৱাৰ বাবে যথেষ্ট সুবিধা হৈছিল পৰাপাৰ হোৱা যাত্ৰীসকলৰ । কিন্তু পুনৰ এই নৈশ ফেৰীখন বন্ধ হোৱাৰ লগে লগে অসুবিধাৰ সন্মুখীন হ'ব যাত্ৰীসকল ।

লগতে পঢ়ক: বন্ধ কমলাবাৰী পাৰঘাট, হাহাকাৰ ক্ষুদ্ৰ ব্যৱসায়ীৰ - NIMATI FERRY SERVICE SUSPENDED