বৰপেটাৰোডত মাজুলীৰ যুৱতীক ধৰ্ষণ কৰি হত্যাৰ সন্দেহ

বৰপেটাৰোড : বৰপেটাৰোডৰ শিমালাগুৰীত মঙলবাৰে উদ্ধাৰ হয় এগৰাকী যুৱতীৰ মৃতদেহ । ৰাসৰ বাবে নিশালৈকে পথত ভিৰ থকাৰ পিছতো যুৱতীৰ মৃতদেহ উদ্ধাৰ হোৱাক লৈ চাঞ্চল্য়ৰ সৃষ্টি হৈছে ।  

বৰপেটাৰোডৰ শিমালাগুৰীস্থিত ভাৰতীয় ষ্টেট বেংকৰ সমীপত আজি পুৱা স্থানীয় লোকে এগৰাকী যুৱতীৰ মৃতদেহ প্ৰত্য়ক্ষ কৰি আৰক্ষীক খবৰ দিয়ে । পথৰ দাঁতিত স্থানীয় লোকে পুৱা যুৱতীৰ মৃতদেহটো অসংযত অৱস্থাত প্ৰত্যক্ষ কৰি বৰপেটাৰোড আৰক্ষীক খবৰ দিয়াত আৰক্ষী ঘটনাস্থলীত উপস্থিত হৈ  যুৱতীগৰাকীৰ মৃতদেহটো উদ্ধাৰ কৰে । 

ইয়াৰ পাছত বৰপেটাৰোড আৰক্ষীয়ে যুৱতীগৰাকীৰ মৃতদেহটো মৰণোত্তৰ পৰীক্ষাৰ বাবে বৰপেটালৈ প্ৰেৰণ কৰে । মৃত যুৱতী গৰাকীৰ ঘৰ আছিল মাজুলীত ৷ যুৱতীগৰাকী বৰপেটাৰোডত ভাৰাতীয়া হিচাপে আছিল । স্থানীয় লোকে যুৱতীগৰাকীক ধৰ্ষণ কৰি হত্যা কৰা বুলি সন্দেহ কৰিছে ৷ 

লগতে পঢ়ক:আত্মহত্যা নে হত্যাৰ বলি হ'ল মধুস্মিতা বৰুৱা