হায়দৰাবাদ: ভাৰত সঞ্চাৰ নিগম লিমিটেডে গ্ৰাহকক আকৰ্ষিত কৰাৰ উদ্দেশ্য বিগত সময়ছোৱাত মুকলি কৰিছে বিভিন্ন সুবিধাজনক, আকৰ্ষণীয় প্লেন ৷ BSNL এ শেহতীয়াকৈ দুটাকৈ প্ৰিপেইড প্লেনৰ বৈধতাৰ ম্যাদ বৃদ্ধি কৰিছে । এতিয়া বি এছ এন এলৰ এনে দুটা প্ৰিপেইড প্লেন আছে, যাৰ সহায়ত ব্যৱহাৰকাৰীয়ে 425 দিনৰ বৈধতা লাভ কৰে ।
অৰ্থাৎ এবাৰ ছিম কাৰ্ডখন ৰিচাৰ্জ কৰিলে প্ৰায় এবছৰ 2 মাহলৈ পুনৰ ৰিচাৰ্জ কৰিব নালাগে । BSNL ৰ বাহিৰে আন কোনো কোম্পানীয়ে ইমান দীঘলীয়া প্লেনৰ বৈধতা প্ৰদান নকৰে ।
বি এছ এন এলৰ প্ৰথম প্ৰিপেইড প্লেন
এই BSNL প্লেনৰ মূল্য 2099 টকা, য’ত ব্যৱহাৰকাৰীয়ে দৈনিক 2GB ডাটা লাভ কৰে । ইয়াৰ উপৰিও এই পৰিকল্পনাৰ জৰিয়তে ব্যৱহাৰকাৰীয়ে আনলিমিটেড ভইচ কলিং আৰু প্ৰতিদিনে 100 টা এছএমএছ লাভ কৰে । মনত ৰাখিব যে এই পৰিকল্পনা কেৱল BSNL GP-2 বা তাৰ ওপৰৰ গ্ৰাহকৰ বাবেহে উপলব্ধ ।
আগতে এই বি এছ এন এল পৰিকল্পনাৰ বৈধতা আছিল মাত্ৰ 395 দিন, কিন্তু এতিয়া টেলিকম টকৰ এক প্ৰতিবেদন অনুসৰি কোম্পানীয়ে এই পৰিকল্পনাৰ বৈধতা 425 দিনলৈ বৃদ্ধি কৰিছে । অৱশ্যে ইয়াত এটা চৰ্ত আছে । এই প্লেনৰ সকলো সুবিধা আপুনি মাত্ৰ 395 দিনৰ বাবেহে পাব, কিন্তু আপোনাৰ ছিম 425 দিন পৰ্যন্ত সক্ৰিয় হৈ থাকিব আৰু ইয়াৰ বাবে আপুনি ৰিচাৰ্জ কৰাৰ প্ৰয়োজন নহ’ব ।
এই সময়ছোৱাত আপুনি আপোনাৰ সক্ৰিয় প্লেনত আপোনাৰ প্ৰয়োজনীয়তা অনুসৰি ভইচ কলিং বা ডাটা পেক পৃথকে পৃথকে ৰিচাৰ্জ কৰিব পাৰিব । এই অনুসৰি 425 দিনৰ বাবে মুঠ 2099 টকা খৰচ কৰিব লাগিব আৰু দৈনিক খৰচ হ’ব মাত্ৰ 4.94 টকা অৰ্থাৎ 5 টকাতকৈ কম ।
বি এছ এন এলৰ দ্বিতীয়টো প্ৰিপেইড প্লেন
এই তালিকাত BSNL ৰ দ্বিতীয় প্ৰিপেইড প্লেনৰ মূল্য 2399 টকা । এই প্লেন সকলো ব্যৱহাৰকাৰীৰ বাবে উপলব্ধ । এই পৰিকল্পনাৰ বৈধতাও 425 দিনৰ বাবে, কিন্তু সীমাহীন ভইচ কলিং, দৈনিক 2GB ইন্টাৰনেট ডাটা আৰু 100 এছএমএছৰ সুবিধা 395 দিনৰ বাবে উপলব্ধ হ’ব আৰু তাৰ পিছত অনাগত 30 দিনলৈ ব্যৱহাৰকাৰীৰ ছিম সক্ৰিয় হৈ থাকিব, কিন্তু বাকী সুবিধা লাভ কৰিব নোৱাৰিব । এই সময়ছোৱাত আপুনি আপোনাৰ সক্ৰিয় প্লেনত আপোনাৰ প্ৰয়োজন অনুসৰি ভইচ কলিং বা ডাটা পেক পৃথকে পৃথকে ৰিচাৰ্জ কৰিব পাৰিব ।
