কলিয়াবৰত মুক্তি যুঁজাৰু সন্মিলন : জিলা মুক্তি যুঁজাৰু সংস্থাৰ নৱনিৰ্মিত কাৰ্যালয় ভৱন উন্মোচন - INDEPENDENCE DAY 2024

কলিয়াবৰ, 14 আগষ্ট : বৃহস্পতিবাৰে দেশে পালন কৰিব 78 সংখ্যক স্বাধীনতা দিৱস ৷ দেশে স্মৰণ কৰিব দেশৰ স্বাধীনতাৰ বাবে আত্মবলিদান দিয়া সংগ্ৰামী যোদ্ধাসকলক ৷ লগতে ঠায়ে ঠায়ে সন্মানিত কৰিব স্বাধীনতা আন্দোলনৰ মুক্তি যুঁজাৰুসকলক ৷

স্বাধীনতা দিৱসৰ প্ৰাকক্ষণত বুধবাৰে কলিয়াবৰত অনুষ্ঠিত হয় মুক্তি যুঁজাৰু সন্মিলন ৷ এই অনুষ্ঠানতে কলিয়াবৰ জিলা মুক্তি যুঁজাৰু সংস্থাৰ নৱনিৰ্মিত কাৰ্যালয় ভৱনৰ দ্বাৰ উন্মোচন কৰে মন্ত্ৰী কেশৱ মহন্তই ৷ এই অনুষ্ঠানতে মুক্তি যুঁজাৰুসকলক স্মৰণ কৰা হয় ৷ মুক্তি যুঁজাৰুসকলৰ পৰিয়ালে এই অনুষ্ঠানত তেওঁলোকৰ বিভিন্ন অভাৱ-অভিযোগ উত্থাপন কৰাৰ লগতে মন্ত্ৰী কেশৱ মহন্তৰ জৰিয়তে ৰাজ্য চৰকাৰক দৃষ্টিগোচৰ কৰে ৷

ইফালে সমগ্ৰ ৰাজ্যৰ লগতে বৃহস্পতিবাৰে কলিয়াবৰতো উদযাপন কৰা হ’ব 78 সংখ্যক স্বাধীনতা দিৱস ৷ বিভিন্ন চৰকাৰী তথা বে-চৰকাৰী অনুষ্ঠান-প্ৰতিষ্ঠানে উদযাপন কৰিবলগা স্বাধীনতা দিৱসৰ বাবে প্ৰস্তুতি প্ৰায় সম্পূৰ্ণ হৈ উঠিছে ৷

লগতে পঢ়ক : হাতে হাতে জাতীয় পতাকা লৈ গোলাঘাটত ত্ৰিৰংগা যাত্ৰা : মন্ত্ৰী অজন্তা নেওগ, সাংসদ কামাখ্যা প্ৰসাদ তাছাৰ অংশগ্ৰহণ - Har Ghar Tiranga