স্পাৰ স্বত্বাধিকাৰীক ব্লেকমেইল কৰিছে কোনে ?

গুৱাহাটী, ২৭ ফেব্ৰুৱাৰী: মহানগৰীৰৰ একাংশ স্পা-পাৰ্লাৰত দেহ ব্যৱসায় চলাৰ অভিযোগ উঠাৰ সময়তে এক চাঞ্চল্যকৰ তথ্য পোহৰলৈ আহিছে । গুৱাহাটীত সাংবাদিক নামধাৰী এটা গেং ওলাইছে ৷  গেংটোত আছে এগৰাকী মহিলা আৰু ৮৯ জন পুৰুষ ৷

গেংটোৱে হাতত DSLR আৰু মোবাইল ফোন লৈ অভিযান চলায় কেৱল বডী মাছাজ পাৰ্লাৰত । শেহতীয়াকৈ মহানগৰীৰ ৰাজগড়ৰ এখন পাৰ্লাৰত অভিযান চলাই ব্লেক মেইলিং কৰি তিনি লাখ টকা দাবী কৰাৰ অভিযোগ উত্থাপন হৈছে গেংটোৰ বিৰুদ্ধে । মহানগৰীৰ ৰাজগড়স্থিত এখন স্পা-পাৰ্লাৰখনত দেহ ব্যৱসায় চলি থকা বুলি ফেচবুক পেইজ এটাত বাতৰিৰ আকাৰে ভাইৰেল হোৱাৰ পিচতে পাৰ্লাৰখনৰ স্বত্বাধিকাৰীয়ে ঘটনা সন্দৰ্ভত মুখ খুলিছে ।

স্বত্বাধিকাৰীয়ে অভিযোগ কৰা অনুসৰি, যোৱা বুধবাৰে সন্ধিয়া এজন গ্ৰাহক স্পাৰ বাবে আহিছিল । পাৰ্লাৰখনৰ কৰ্মচাৰীয়ে স্পা কৰিবলৈ যাওতে মহিলা কৰ্মচাৰীগৰাকীক টকাৰ লোভ দেখুৱাই কাপোৰ খুলিবলৈ কৈছিল । সেই সময়তে ১৫-১৬ জনীয়া এটা দল সোমাই আহি নিজকে সাংবাদিক বুলি কৈ ভিডিঅ’ কৰে । তাৰ পৰা ওলাই গৈ ফোনযোগে ৩ লাখ টকা দাবী কৰে দলটোৱে ।

পাৰ্লাৰখনৰ স্বত্বাধিকাৰীয়ে ৩ লাখ দিব নোৱাৰে বুলি কোৱাত ১ লাখ ৮০ হাজাৰ টকা দাবী কৰে ৷  দাবী কৰা ধন নিদিয়াত এটা ফেচবুক পেইজত বাতৰিৰ আকাৰে প্ৰকাশ কৰে । ইতিমধ্যে পাৰ্লাৰখনৰ স্বত্বাধিকাৰীয়ে ঘটনা সন্দৰ্ভত চান্দমাৰি থানাত এজাহাৰ দাখিল কৰিছে ।

লগতে পঢ়ক: ড্ৰাগছ সেৱনে বিলুপ্তি ঘটাব পাৰে যৌন জীৱনৰ