মাজুলী ফেৰী সেৱাত ঘন কুঁৱলীয়ে দিছে বিধি-পথালি

মাজুলী : পুনৰ ব্যাহত হৈ পৰিছে মাজুলীৰ ফেৰী সেৱা । ঘন কুঁৱলীৰ বাবে মাজুলীৰ নিমাতী ফেৰী সেৱা সোমবাৰে পুৱাৰ ভাগত ব্যাহত হৈ পৰে । ঘন কুঁৱলীৰ বাবে পুৱা আফলামুখ নিমাতী ঘাটৰ মাজত ফেৰী চলাচল বন্ধ হৈ থাকে । কেইবা ঘণ্টা ধৰি যাত্ৰীসহ ফেৰীসমূহ ঘাটতে আৱদ্ধ হৈ থাকে । পুৱা ৭.৩০ বজাৰ পৰা বাতৰি সংগ্ৰহ কৰা সময়লৈকে এখনো ফেৰীয়ে যাত্ৰা কৰিব পৰা নাই ।

প্ৰতিখন ফেৰীয়ে এঘণ্টাতকৈ অধিক সময় ধৰি যাত্ৰী লৈ পাৰ ঘাটতে ৰৈ আছে । ইফালে ব্ৰহ্মপুত্ৰত জলস্তৰ হ্ৰাস পোৱাৰ বাবে ফেৰী সেৱাত যথেষ্ট অসুবিধাৰ সৃষ্টি হৈছে । তাৰ মাজতে ঘন কুঁৱলীয়ে আভ্যন্তৰীণ জল পৰিবহণ বিভাগক উদ্বিগ্ন কৰি তুলিছে । ইফালে মাজুলীৰ গৌৰৱ ৰাস মহোৎসৱলৈ মাজত মাত্ৰ কেইটামান দিন বাকী আছে । তেনে সময়ত ব্যৱসায়কে ধৰি বিভিন্ন কাৰণত যাত্ৰীসকলে যাত্ৰা কৰিবলগীয়া হৈছে যদিও বাৰে বাৰে ফেৰী সেৱা ব্যাহত হোৱাত সমস্যাত পৰিছে লোকসকল ।

লগতে পঢ়ক :মাজুলীক বিদায় দি কাজিৰঙালৈ 'দেহা'ৰ যাত্ৰা