বৰপেটাত কেইবাটাও শুকুৰ আলী ওলাল : জয়ন্ত মল্লবৰুৱা - Lok Sabha Election 2024

বৰপেটা, 1 মে’ : সৰভোগত বিজেপি মিত্ৰজোঁটৰ প্ৰাৰ্থী ফণীভূষণ চৌধুৰীৰ হৈ নিৰ্বাচনী প্ৰচাৰ মন্ত্ৰী জয়ন্ত মল্ল বৰুৱাৰ ৷ নিৰ্বাচনী সভাত মন্ত্ৰীগৰাকীয়ে কয় যে, এইবাৰ বৰপেটাত ৰেকৰ্ড ভংগ কৰি 5 লাখ ভোটৰ ব্যৱধানত মিত্ৰজোঁটৰ প্ৰাৰ্থী ফণীভূষণ চৌধুৰী জয়ী হ’ব ৷ বৰপেটাত কোন বিৰোধী এতিয়ালৈকে বিচাৰি পোৱা নাই ৷ বৰপেটাত এতিয়া বহু কেইজন শুকুৰ আলী ওলাল বুলি বিৰোধী প্ৰাৰ্থীসকলক কটাক্ষ কৰে জয়ন্ত মল্ল বৰুৱাই ৷

আনহাতে, তৃতীয় পৰ্যায়ৰ 4 খন আসনেই বিজেপি মিত্ৰজোঁটে লাভ কৰিব বুলি দাবী কৰে মন্ত্ৰীগৰাকীয়ে ৷ আনহাতে কংগ্ৰেছক কটাক্ষ কৰি আজিৰ তাৰিখত কোনে প্ৰিয়ংকা গান্ধীক চাবলৈ যাব বুলি কয় তেওঁ ৷ মন্ত্ৰীগৰাকীয়ে কয় যে, অসমৰ ৰাইজে হিমন্ত বিশ্ব আৰু মোদীক চায় ৷ প্ৰিয়ংকা গান্ধীৰ দিন গ'ল আৰু ৷ প্ৰিয়ংকা গান্ধীক 10 বছৰ আগতে চাইছিল, এতিয়া নাচায় বুলি মন্তব্য কৰে মন্ত্ৰীগৰাকীয়ে ৷

লগতে পঢ়ক : প্ৰধানমন্ত্ৰী মোদীক অহংকাৰী ৰজা আখ্যা প্ৰিয়ংকা গান্ধীৰ - Lok Sabha Election 2024