লখিমপুৰত হেৰ’ইন এজনক আটক - Anti Drugs Operation

লখিমপুৰ, ৬ মে': ৰাজ্য়ত অব্য়াহত ড্ৰাগছৰ বেহা । ইয়াৰ মাজতে লখিমপুৰত ড্ৰাগছ উদ্ধাৰ । এই বেহাৰ সৈতে জড়িত সৰবৰাহকাৰীক আটক কৰিছে লখিমপুৰ আৰক্ষীয়ে । লখিমপুৰ নগৰৰ খেলমাতিৰ নানু মীৰ নামৰ ড্ৰাগছ বেপাৰীটোক আৰক্ষীয়ে সোমবাৰে দুপৰীয়া আটক কৰে । আৰক্ষীয়ে সৰবৰাহকাৰীটোৰ ঘৰৰ পৰা ৫৫ টা কণ্টেইনাৰ, ৫৮ গ্ৰাম হেৰ'ইনৰ লগতে ভালেখিনি চিৰিঞ্জ উদ্ধাৰ কৰে । সম্প্রতি আৰক্ষীয়ে আটকাধীন সৰবৰাহকাৰীটোক সোধা-পোচা আৰম্ভ কৰিছে ।

লখিমপুৰত শেষ হোৱা নাই ড্ৰাগছৰ বেহা । নিতৌ ড্ৰাগছ আসক্তৰ সংখ্যা বাঢ়িছে । আৰক্ষীৰ ৰঙা চকুকো পৰোৱাই নকৰি ড্ৰাগছ বেপাৰীয়ে চলাই গৈছে এই বেহা । জিলাখনত এনে বৰবিহৰ বেহাৰ বিৰুদ্ধে আৰক্ষীয়ে কঠোৰ অভিযান চলাই আছে যদিও থমকি ৰোৱা নাই ড্ৰাগছৰ বেপাৰী । নিতৌ ন ন কৌশলেৰে ড্ৰাগছ সৰবৰাহ কৰি আহিছে ।  

লগতে পঢ়ক:ড্ৰাগছসহ সৰবৰাহকাৰীক আটক - Anti Drugs Operation