মহানগৰীত ডেৰ কিলোগ্ৰাম হেৰ'ইনসহ দুই সৰবৰাহকাৰী গ্ৰেপ্তাৰ - Drugs seized in Guwahati

গুৱাহাটী, ২৮ এপ্ৰিল: মহানগৰীত পুনৰ বৃহৎ পৰিমাণৰ ড্ৰাগছ জব্দ । মহানগৰীৰ খানাপাৰাত এছ টি এফৰ অভিযানত আৰক্ষীৰ জালত পৰে ড্ৰাগছ সৰবৰাহকাৰী গৰৈমাৰীৰ জামাল আলী আৰু চলিমুদ্দিন । আৰক্ষীয়ে সৰবৰাহকাৰী দুটাৰ পৰা ১০০ টা চাবোনৰ বাকচত ডেৰ কিলোগ্ৰাম হেৰ'ইন জব্দ কৰে ।

দেওবাৰে দিনৰ ভাগত খানাপাৰাত কামৰূপ জিলাৰ অতিৰিক্ত আৰক্ষী অধীক্ষক কল্যাণ পাঠকৰ নেতৃত্বত যোৱা এছ টি এফৰ এটা দলে অভিযান চলাই সৰবৰাহকাৰী দুটাক গ্ৰেপ্তাৰ কৰিবলৈ সক্ষম হয় । লগতে ১০০ টা হেৰ'ইনভৰ্তি চাবোনৰ বাকচ আৰু AS 01 FN 7633 নম্বৰৰ বাহন এখন জব্দ কৰে ।

ত্ৰিপুৰাৰ পৰা গুৱাহাটীলৈ বিক্ৰীৰ বাবে অনাৰ পথতেই জব্দ কৰা হয় নিষিদ্ধ হেৰ'ইনখিনি । হেৰ'ইনখিনিৰ বজাৰ মূল্য় ১২ কোটি টকাতকৈও অধিক হ'ব বুলি আৰক্ষীয়ে উল্লেখ কৰিছে ।

লগতে পঢ়ক:অসম-অৰুণাচল সীমান্তৰ পুৰণা জেলম গাঁৱত ৰাইজে আটক কৰিলে তিনি ড্ৰাগছ আসক্তক - Drugs Seized In Jonai