কোকৰাঝাৰত বিজেপি ৰাষ্ট্ৰীয় সভাপতি জে পি নাড্ডাৰ জনসভা LIVE - bjp national president jp nadda

কোকৰাঝাৰ লোকসভা সমষ্টিৰ বিজেপি মিত্ৰজোঁট তথা ইউপিপিএলৰ প্ৰাৰ্থী জয়ন্ত বসুমতাৰীৰ হৈ আজি নিৰ্বাচনী প্ৰচাৰ চলাইছে বিজেপি ৰাষ্ট্ৰীয় সভাপতি জে পি নাড্ডাই ৷ কোকৰাঝাৰৰ গ্ৰীন ফিল্ডত এক বিশাল জনসভা সম্বোধন কৰে নাড্ডাই ৷ নিৰ্বাচনী সভাৰ অন্তত গ্ৰীন ফিল্ডৰ পৰা ৰেলী কৰি বিজেপি মিত্ৰজোঁটৰ প্ৰাৰ্থীগৰাকীয়ে জিলা আয়ুক্তৰ ওচৰত মনোনয়ন পত্ৰ দাখিল কৰিব ৷প্ৰায় ৫০ ৰ পৰা ৭০ হাজাৰ লোকৰ উপস্থিতিত অনুষ্ঠিত উক্ত সভাত মন্ত্ৰী ৰণজিৎ কুমাৰ দাস, অশোক সিংহল, বিটিচি প্ৰধান প্ৰমোদ বড়োকে ধৰি ইউপিপিএল, বিজেপি আৰু অগপৰ বহু নেতা-কৰ্মী উপস্থিত থাকে । ইয়াৰ পিছত তেওঁ ওদালগুৰিৰ বিজেপিৰ প্রার্থী দিলীপ শ‍ইকীয়াৰ সমৰ্থনত ভেৰগাঁৱত আৰু তাৰ পাচত গোৱালপাৰাৰ দুধনৈত গুৱাহাটী সমষ্টিৰ প্রার্থী বিজুলী কলিতা মেধি হৈ জনতাক সম্বোধন কৰিব ।  এইদৰে তিনিটাকৈ কাৰ্যসূচীত অংশ লৈ অসম ভ্ৰমণ সামৰি সন্ধিয়া ৫.২৫ বজাত গুৱাহাটীৰ বৰঝাৰ বিমানবন্দৰৰ পৰা বিশেষ বিমানেৰে তেওঁ কেৰালালৈ উৰা মাৰিব ।