মহানগৰীত বেতকুছিত সত্ৰৰ ভূমি পৰিদৰ্শন অসম সত্ৰ আয়োগৰ

গুৱাহাটী, 19 ফেব্ৰুৱাৰী : ৰাজ্যৰ ভিন্ন স্থানত থকা সত্ৰৰ ভূমি পৰিদৰ্শন অসম সত্ৰ আয়োগৰ ৷ সমান্তৰালকৈ সোমবাৰে মহানগৰীৰ কেইবাটাও স্থানত থকা সত্ৰৰ ভূমি পৰিদৰ্শন কৰে আয়োগৰ দলটোৱে ৷ ইতিমধ্যে সত্ৰৰ ভূমি দখল কৰাকে ধৰি বিভিন্ন বিসংগতিক লৈ আয়োগে তৈয়াৰ কৰা পূৰ্ণাংগ প্ৰতিবেদন দাখিল কৰিছে চৰকাৰক ৷ লগতে ৰাজ্যৰ সত্ৰসমূহক লৈ বিস্তৃত প্ৰতিবেদন অচিৰেই দাখিল কৰিব আয়োগে ৷

সোমবাৰেও বেতকুছি আঞ্চলিক ৰাজহুৱা শ্মশানৰ সমীপৰ ভূমি পৰিদৰ্শন কৰে দলটোৱে ৷ দীৰ্ঘসময় সময় ধৰি শ্মশান সমিতি আৰু স্থানীয় ৰাইজৰ লগত কিছু বিসংগতিৰ সন্দৰ্ভত এক আলোচনাত মিলিত হয় আয়োগৰ বিষয়ববীয়াসকল ৷ পৰৱৰ্তী সময়ত শ্মশানখন বৰ্তমানৰ স্থানতেই থাকিব, তাত কোনো অসুবিধা নাই বুলি জানিবলৈ দিয়ে আয়োগৰ দলটোৱে ৷ লগতে শ্মশানৰ ভূমিৰ যাৱতীয় নথি প্ৰস্তুত কৰিবৰ বাবে দিছপুৰ ৰাজহ চক্ৰ বিষয়াক নিৰ্দেশ দিয়ে অসম সত্ৰ আয়োগৰ দলটোৱে ৷

লগতে পঢ়ক : বাক্সাৰ শালবাৰীৰ নিমুৱাত আক্ৰাছুৰ উদ্যোগত চিলাৰায় দিৱসৰ প্ৰস্তুতি