লাভলীনা বৰগোঁহাইলৈ সৰুপথাৰত শুভেচ্ছামূলক অনুষ্ঠান - Paris Olympics 2024
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jul 30, 2024, 10:43 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/30-07-2024/640-480-22087919-thumbnail-16x9-glt-aspera.jpg)
সৰুপথাৰ,৩০ জুলাই: বুধবাৰে পেৰিছ অলিম্পিকত নৰৱে'ৰ বক্সাৰৰ সৈতে ৰিঙত নামিব অসমকন্যা লাভলীনা বৰগোঁহাই । উৎকণ্ঠাৰ সীমা নাই সৰুপথাৰ তথা ধনশিৰিবাসীৰ । সৰুপথাৰৰ ৰংঘৰত মঙলবাৰে সন্ধিয়া এক শুভেচ্ছামূলক অনুষ্ঠানৰ আয়োজন কৰা হয় । উক্ত অনুষ্ঠানত হৰ্ডিং প্ৰদৰ্শন কৰা হয় । "গ' ফৰ গ'ল্ড লাভলীনা" বুলি শুভেচ্ছামূলক বাক্যৰে লাভলীনাক অনুপ্ৰাণিত কৰিবলৈ গ্ৰহণ কৰা হয় এক প্ৰচেষ্টা । লাভলীনা বৰগোঁহাইৰ পিতৃ টিকেন বৰগোঁহাইয়ে এগছি বন্তি প্ৰজ্বলনেৰে অনুষ্ঠানৰ শুভাৰম্ভ কৰে ।
লগে লগে ক্ৰীড়া সংগীত পৰিৱেশন কৰা হয় । সকলোৱে আশাবাদী যে লাভলীনা বৰগোঁহায়ে এইবাৰ পেৰিছ অলিম্পিকত স্বৰ্ণ জয় কৰিব । উক্ত অনুষ্ঠানত উপস্থিত থাকে সৰুপথাৰৰ বিধায়ক বিশ্বজিৎ ফুকন, DIG দেৱজ্যোতি মুখাৰ্জী, গোলাঘাটৰ আৰক্ষী অধীক্ষক ৰাজেন সিং, ধনশিৰি মহকুমাধিপতি শ্ৰেয়া সিংহলকে ধৰি বিশিষ্ট ব্যক্তিসকল ।