ডিমৰুবোৰ ইয়াৰ মিঠা সোৱাদ আৰু পুষ্টিৰ বাবে জনাজাত । ইয়াৰ বহুতো গুণ আছে, যি বিশেষকৈ পুৰুষসকলক স্বাস্থ্যৱান কৰি ৰখাত সহায় কৰে । বহু প্ৰকাৰৰ ৰোগ ডিমৰু গ্ৰহণৰ ফলতে আৰোগ্য হয় । এই ফল আমাৰ স্বাস্থ্যৰ বাবে অতি উপকাৰী বুলি গণ্য কৰা হয় । য’ত থাকে যথেষ্ট পৰিমাণে প্ৰাকৃতিক শৰ্কৰা আৰু আঁহ ৷ ইয়াক নিয়মিত গ্ৰহণ কৰাৰ ফলত শাৰিৰীক শক্তিৰ লগতে মনোবল বৃদ্ধি পায় ৷
![BENEFITS OF ANJEER](https://etvbharatimages.akamaized.net/etvbharat/prod-images/13-08-2024/22191660_a.jpg)
হায়দৰাবাদস্থিত আয়ুৰ্বেদিক চিকিৎসক ডাঃ নাহুছ কুন্তেৰ মতে, ডিমৰুত ভিটামিন এ, ভিটামিন বি, পটাছিয়াম, মেগনেছিয়াম, জিংক, তাম, মেংগানিজ আৰু আইৰনৰ লগতে বহুতো অত্যাৱশ্যকীয় ভিটামিন আৰু খনিজ সমৃদ্ধ হৈ থাকে । এই পুষ্টিবোৰ সমগ্ৰ শৰীৰটোৰ বাবে অতি গুৰুত্বপূৰ্ণ ৷ ৰোগ প্ৰতিৰোধ ক্ষমতা আৰু শক্তি বৃদ্ধি কৰিবলৈ ফলবিধৰ পানীও ব্যৱহাৰ কৰা হয় ।
জানি লওক ডিমৰু গ্ৰহণৰ উপকাৰিতাসমূহ:
ওজন হ্ৰাস কৰাত সহায় কৰে
ডাঃ নাহুছ কুন্তেৰ মতে, এই ফলবিধে মেদবহুলতা নিয়ন্ত্ৰণ কৰাত সহায় কৰে ৷ যিসকলে ওজন হ্ৰাস কৰিব বিচাৰে, তেওঁলোকৰ বাবে ডিমৰুৰ পানী এক উৎকৃষ্ট কাৰক হিচাপে প্ৰমাণিত হ'ব পাৰে । ইয়াত থকা আঁহৰ পৰিমাণে ব্যক্তিক ভোক অনুভৱ কৰিবলৈ নিদিয়ে, যাৰ ফলত অত্যাধিক খাদ্য গ্ৰহণৰ পৰা বিৰত থাকিব পৰা যায় ৷ তদুপৰি ই বিপাকীয় কাৰ্যত অৰিহণা যোগাই চৰ্বি নিয়ন্ত্ৰণত সহায় কৰে ।
ডিমৰুবোৰ ষ্টেমিনা বৃদ্ধি কৰিবলৈ ব্যৱহাৰ কৰা হয়
ইয়াত যথেষ্ট পৰিমাণে প্ৰাকৃতিক শৰ্কৰা আৰু আঁহ থাকে । এই দুয়োটাই শক্তি আৰু মনোবল বৃদ্ধিত সহায় কৰে । লগতে থাকে জিংক আৰু মেগনেছিয়ামৰ দৰে খনিজ পদাৰ্থ, যি পুৰুষৰ স্বাস্থ্যৰ বাবে অতি গুৰুত্বপূৰ্ণ । ইয়ে শুক্ৰাণু গঠনত সহায় কৰে আৰু গতিশীলতা বৃদ্ধি কৰে ।
ডায়েবেটিছ নিয়ন্ত্ৰণ কৰে
ডিমৰুত থকা আঁহে লাহে লাহে তেজত শৰ্কৰা শোষণ কৰাত সহায় কৰে, যি ডায়েবেটিছত ভূগি থকা ৰোগীৰ বাবে উপকাৰী হোৱাৰ সম্ভাৱনা অধিক । ইয়াৰ বাহিৰেও ফলবিধত থকা এণ্টি অক্সিডেণ্টবোৰে ছালক পুষ্টি প্ৰদান কৰি ছাল সংকুচিত হোৱাৰ দৰে বয়স বৃদ্ধিৰ লক্ষণ হ্ৰাস কৰাত সহায় কৰে ।
(টোকা : ইয়াত আপোনাক দিয়া সকলো স্বাস্থ্য সম্পৰ্কীয় তথ্য আৰু পৰামৰ্শ কেৱল আপুনি বুজিবৰ বাবেহে । আমি বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ওপৰত নিৰ্ভৰ কৰি এই তথ্য প্ৰদান কৰিছো । কিন্তু, সেইবোৰ কাৰ্যকৰী কৰাৰ পূৰ্বে আপুনি আপোনাৰ ব্যক্তিগত চিকিৎসকৰ পৰামৰ্শ লোৱা ভাল ।)
লগতে পঢ়ক: এইবোৰ খাদ্য পুৱাৰ আহাৰত গ্ৰহণ কৰাৰ পৰা বিৰত থাকক... - Foods To Avoid in Breakfast