کولکاتا:مغربی بنگال کی وزیر اعلیٰ ممتا بنرجی نے کہاکہ اگر آج کوئی بچہ خودکشی کرتا ہے تو کیا آپ ذمہ داری لیں گے؟ پریشان نہ ہوں، میں مقدمہ لڑوں گی جتنا ممکن ہو سکے گا میں انصاف دلائوں گی۔ آٹھ سال کام کرنے والے اساتذہ کی سماجی عزت نہیں ہے؟ اسکول میں اتنے ماسٹر کہاں سے آئیں گے۔ کیا بچے سکول آئیں گے؟ کیا بی جے پی، آر ایس ایس والے وہاں جا کر پڑھائیں گے؟۔
وزیر اعلیٰ نے کہا کہ میں فیصلے کی بات کر رہی ہوں۔ میں جج کا نام نہیں لے رہی ہوں۔مگر اس فیصلے میں بہت ساری غلطیاں ہیں ۔تقرری محکمہ تعلیم نہیں بلکہ پرائمری بورڈ، سیکنڈری بورڈ، ایس ایس سی کرتے ہیں۔یک طرفہ فیصلے سے 26 ہزار بچوں کی نوکریاں چھین لی گئی ہیں۔ اور ایک ماہ کے اندر 8 سال کی رقم سود کے ساتھ واپس کر نے کی ہدایت دی جارہی ہے؟ اگر آج کوئی بچہ خودکشی کرلے تو کیا آپ ذمہ داری لیں گے؟۔
گزشتہ روز ہائی کورٹ نے یہ بھی کہا تھا کہ جو غیر قانونی طور پر اسکول ٹیچر کے طور پر تعینات ہوئے ہیں، انہیں 8 سال کی تنخواہ 12 فیصد سود کے ساتھ چار ہفتوں کے اندر واپس کرنی ہوگی۔ وزیر اعلیٰ نےسوال کیا کہ جو لوگ اپنی ملازمتیں کھو چکے ہیں وہ ایک ماہ کے اندر یہ رقم کیسے واپس کریں گے۔
یہ بھی پڑھیں:ابھیشیک بنرجی کی جان کو خطرہ لاحق ہے: ممتا بنرجی - LOK SABHA ELECTION 2024
تاہم وزیر اعلیٰ کے تبصروں سے یہ واضح ہے کہ ہائی کورٹ کے حکم کے مطابق ریاستی حکومت بے روزگاروں کے ساتھ ہے۔ کسی کا نام لیے بغیر، ممتا بنرجی نے اشارہ کرتے ہوئے کہاکہ آپ بی جے پی میں جا کر دلالی کیوں کر رہے ہیں؟ ایسا نہ ہو کہ سی بی آئی، این آئی اے پکڑے جائیں۔ اس دن پرولیا کی نوکری کس نے بیچی؟ میں نام نہیں بتاؤں گی آپ سمجھیں۔ جس نے سب سے بڑا جرم کیا اسے بڑا غدار کہا جاتا ہے۔ عدالت کیا فیصلہ کرے گی ۔دو دن پہلے دعویٰ کیا گیا تھاکہ دھماکہ ہونے والا ہے ۔کیا یہی دھماکہ ہے۔
