نئی دہلی: دہلی کے وزیراعلیٰ اروند کیجروال کی گرفتاری کے بعد ہندوستان کی سیاست میں یہ بحث موضوع ہے کہ کیا ایک وزیراعلیٰ جانچ ایجنسی کی تحویل میں رہ کر بھی ریاست کی باگ دوڑ سنبھال سکتا ہے، کیا وہ ریاستی حکومت کے انتظامی کاموں میں سرگرم رہ سکتا ہے۔دہلی کے وزیر اعلی کے گزشتہ اتوار کو ای ڈی کی تحویل سے جاری ہونے والے پہلے حکم کو لے کر جاری تنازع کے درمیان عآپ کے سربراہ اروند کیجروال نے محکمہ صحت کو ایک اور ہدایت جاری کی ہے۔
عآب ذرائع نے اس بات کی تصدیق کی کہ وزیراعلیٰ نے یہ ہدایت محکمہ صحت کے لئے جاری کیا ہے۔اسے وزیر اعلیٰ نے دہلی کے وزیر سوربھ بھردواج کو ایک میمورنڈم کے ذریعہ پہنچایا جو ہیلتھ پورٹ فولیو کی نگرانی کرتے ہیں۔ دہلی کے وزیر سوربھ بھردواج نے بات کرتے ہوئے کہا کہ وزیراعلی اروند کیجروال نے جیل سے محکمہ صحت کے لئے حکم نامہ جاری کیا۔ اروند کیجروال کو جیل میں رہ کر بھی دہلی کی عوام کی فکر لاحق ہے۔