حیدرآباد: ٹیم انڈیا کے اسٹار کرکٹر سرفراز خان کے چھوٹے بھائی مشیر خان سڑک حادثے میں شدید طور سے زخمی ہوگئے ہیں۔ بتایا جارہا ہے کہ مشیر خان کی گردن میں کافی زیادہ چوٹ آئی ہے۔
یہ حادثہ اس وقت پیش آیا جب مشیر خان اپنے والد نوشاد خان کے ساتھ ایرانی کپ کے لیے کانپور سے لکھنؤ جا رہے تھے۔ حادثے کی وجوہات کا ابھی تک واضح نہیں ہوسکی ہے۔ لیکن ذرائع کا کہنا ہے کہ فارچونر کار سڑک پر 4 سے 5 بار پلٹ گئی جس کی وجہ سے مشیر اور ان کے والد زخمی ہوگئے۔
حادثے کی وجہ سے اب مشیرخان کے کم از کم 6 ہفتوں تک کرکٹ سے دور رہنے کا امکان ہے۔ مشیر خان کو کرکٹ میدان پر واپس آنے میں کم از کم 3 ماہ بھی لگ سکتے ہیں۔ اس چوٹ کی وجہ سے مشیر خان کا ایرانی کپ سے باہر ہونا یقینی ہے۔ جو آئندہ ماہ شروع ہونے والی ہے۔
Musheer Khan suffers fracture in a road accident - set to miss Irani Cup😦
— Cricket.com (@weRcricket) September 28, 2024
Wishing the young lad a speedy recovery🙌#CricketNews pic.twitter.com/HLNpca3QIe
واضح رہے کہ سرفراز خان کا خاندان اصل میں اتر پردیش کے اعظم گڑھ سے تعلق رکھتا ہے۔ ان کا گاؤں تحصیل سگڑی کے باسوپار میں ہے۔ قابل ذکر ہے کہ مشیر خان یکم سے 5 اکتوبر تک لکھنؤ میں ممبئی اور ریسٹ آف انڈیا کے درمیان ہونے والے ایرانی کپ 2024 کے میچ سے بھی باہر ہوگئے ہیں لیکن ان کے متبادل کرکٹر کا اعلان نہیں کیا گیا ہے۔
مشیر خان ابھی 19 سال کے ہیں انھوں نے اجنکیا رہانے کی قیادت میں ممبئی کے لیے 2023-24 کے رنجی ٹرافی کے فائنل میں ودربھ کے خلاف سنچری بنائی تھی اور حالیہ دنوں میں ختم ہونے والی دلیپ ٹرافی میں بھی شاندار کھیل کا مظاہرہ کیا تھا۔
