حیدرآباد: پیرس اولمپکس کے بارہویں دن میڈل میچ سے قبل بھارتی ریسلر ونیش پھوگاٹ کو وزن زیادہ ہونے کی وجہ سے خواتین کی 50 کلوگرام ریسلنگ سے نااہل قرار دے دیا گیا۔ جس کی وجہ سے 140 کروڑ بھارتیوں کا دل ٹوٹ گیا۔ ونیش کے چچا مہاویر پھوگاٹ کا بھی دل ٹوٹ گیا جس کی وجہ سے وہ کیمرے کے سامنے ہی رو پڑے۔
انھوں نے ونیش پھوگاٹ کی نااہلی پر کہا کہ میرے پاس کہنے کو کچھ نہیں ہے۔پورے ملک نے گولڈ کی توقع کی تھی، لیکن اس گیمز کے قواعد موجود ہیں، پھر بھی اگر ایک پہلوان کا وزن 50 یا 100 گرام زیادہ ہے تو اسے کھیلنے کی اجازت دی جاتی ہے۔ میں ملک کے لوگوں سے کہوں گا کہ مایوس نہ ہوں، ایک دن وہ یقینی طور پر تمغہ لے کر آئے گی، میں اسے اگلے اولمپکس کے لیے تیار کروں گا۔
پہلوان ونیش پھوگاٹ سے ملک سے بہت امیدیں وابستہ تھیں۔ سب کی نظریں اس بات پر مرکوز تھیں کہ آیا وہ پیرس اولمپکس میں ملک کے لیے طلائی تمغہ جیتے گی یا سلور میڈل۔ لیکن اسی درمیان یہ خبر سامنے آئی کہ ریسلر ونیش پھوگاٹ کو مقررہ کیٹیگری سے تقریباً 100 گرام وزن زیادہ ہونے کی وجہ سے فائنل سے پہلے ہی نااہل قرار دے دیا گیا۔