نئی دہلی: حکومت نے پردھان منتری سوندھی یوجنا 2020 میں شروع کی گئی تھی تاکہ کورونا کی وبا سے متاثرہ کاروباروں کو مدد فراہم کی جاسکے۔ اس کا مقصد چھوٹے کاروباریوں اور اسٹریٹ وینڈرز کو خود کفیل بنانا تھا۔ اس اسکیم کے تحت بغیر کسی گارنٹی اور دستاویز کے صرف آدھار کارڈ سے قرض لیا جا سکتا ہے۔
اس اسکیم کے تحت ابتدائی طور پر تاجروں کو 10,000 روپے تک کا لون (قرض)دیا جاتا ہے۔ اگر وہ اس قرض کو وقت پر ادا کر دیتے ہیں، تو وہ اگلی بار 20،000 روپے کا لون حاصل کر سکتے ہیں۔ اس کے علاوہ اگر پچھلا قرض وقت پر ادا کیا جائے تو یہ رقم بڑھا کر 50,000 روپے کردی جاتی ہے۔
لون کے لیے صرف آدھار کارڈ کی ضرورت
پی ایم سواندھی یوجنا کے تحت قرض لینے کے لیے آدھار کارڈ لازمی ہے۔ کاروباری آدھار کارڈ کا استعمال کرتے ہوئے سرکاری بینکوں میں اس اسکیم کے لیے درخواست دے سکتے ہیں۔ لون کو 12 ماہ کے اندر قسطوں میں ادا کرنا ہوگا۔
موبائل نمبر کا آدھار سے لنک ہونا ضروری
اس یوجنا سے فائدہ اٹھانے کے لیے موبائل نمبر کو آدھار نمبر کے ساتھ لنک کرنا ضروری ہے کیونکہ آن لائن اپلائی کرنے کے دوران ای-کے وائی سی/آدھار کی تصدیق کے لیے اس کی ضرورت ہوگی۔ اس کے علاوہ، قرض لینے والے کے لیے یہ ضروری ہوگا کہ وہ مستقبل میں سرکاری فلاحی اسکیموں سے فائدہ اٹھانے کے لیے اربن لوکل باڈیز (ULB) سے ایک سفارشی خط حاصل کریں۔ موبائل نمبر اپ ڈیٹ کرنے کے لیے ایک فارم بھرنا ہوگا۔ اس کے لیے کسی اور دستاویز کی ضرورت نہیں ہے۔
لون کے لیے اہل ہونا ضروری
اس اسکیم کے تحت قرض لینے کے اہل کاروباریوں کی چار قسمیں ہیں۔ درخواست دینے سے پہلے یہ دیکھ لیں کہ آپ اس کے اہل ہیں یا نہیں، اس کے بعد ہی درخواست دیں۔ ان تین مراحل پر عمل کرنے کے بعد پورٹل پر درخواست کا عمل شروع کیا جا سکتا ہے۔ لون لینے کا خواہش شخص براہ راست پورٹل پر یا اپنے علاقے کے کسی بھی کامن سروس سینٹر (CSC) کے ذریعے درخواست دے سکتا ہے۔
سود کی شرح کیا ہے؟
شیڈولڈ کمرشل بینکوں، علاقائی دیہی بینکوں (RRBs)، چھوٹے مالیاتی بینکوں (SFBs) اور کوآپریٹو بینکوں کے لیے سود کی شرحیں موجودہ شرحوں کے مطابق ہوں گی۔ این بی ایف سی، این بی ایف سی-ایم ایف آئی وغیرہ کے لیے سود کی شرح متعلقہ قرض دہندہ کے زمرے کے لیے آر بی آئی کے رہنما خطوط کے مطابق ہوگی۔
ایم ایف آئی (غیر این بی ایف سی) اور آر بی آئی کے رہنما خطوط کے تحت شامل نہیں ہونے والے دیگر قرض دہندہ زمروں کے لیے اس اسکیم کے تحت سود کی شرحیں این بی ایف سی- ایم ایف آئی کے لیے آر بی آئی کے موجودہ رہنما خطوط کے مطابق ہوں گی۔
