Stalled Property Registrations Across the Telangana State : తెలంగాణ రాష్ట్రంలో రిజిస్ట్రేషన్లు తాత్కాలికంగా ఆగినట్లు స్టాంపులు, రిజిస్ట్రేషన్ శాఖ అధికారులు తెలిపారు. రిజిస్ట్రేషన్లకు చెందిన ఆధార్ లింక్ కాకపోవడంతో ఇబ్బందులు తలెత్తినట్లు వివరించారు. సాంకేతిక సమస్య కారణంగా ఈ మధ్యాహ్నం నుంచి ఆగినట్లు వెల్లడించారు. యూడీఐఏలో ఈ- కేవైసీలో వెరిఫికేషన్కు సంబంధించి సాంకేతిక సమస్యగా చెబుతున్న అధికారులు, దానిని పరిష్కరించేందుకు సాంకేతిక నిపుణుల ద్వారా ప్రయత్నిస్తున్నట్లు తెలిపారు.
తెలంగాణలో నిలిచిపోయిన రిజిస్ట్రేషన్లు
By ETV Bharat Andhra Pradesh Team
Published : Jul 11, 2024, 6:53 PM IST
Registrations stalled in Telangana (ETV Bharat)
మరోవైపు రిజిస్ట్రేషన్ల కోసం వచ్చిన వారు అనుకోకుండా ఎదురైన సాంకేతిక సమస్యతో ఇబ్బందులకు గురయ్యారు. ఈ సమస్య పరిష్కారమైతే వెంటనే వేచి ఉన్న వారి రిజిస్ట్రేషన్లు పూర్తి చేస్తామని, రద్దీగా ఉన్న సబ్ రిజిస్ట్రేషన్ కార్యాలయాల్లో రేపు రావాల్సిందిగా ఇప్పటికే తెలియజేసినట్లు తెలిపారు.