నిర్మల్​లో ప్రైవేట్ ట్రావెల్స్ బస్సు బోల్తా - 32 మందికి గాయాలు, ఒకరి మృతి

Private Bus Accident in Nirmal : నిర్మల్​లో బుధవారం అర్ధరాత్రి ఓ ప్రైవేట్ ట్రావెల్స్ బస్సు ప్రమాదానికి గురైంది. ఆదిలాబాద్ నుంచి 40 మందికి పైగా ప్రయాణికులతో హైదరాబాద్ బయలుదేరిన బస్సు నిర్మల్ సమీపంలోని మహబూబ్ ఘాట్ వద్ద అదుపు తప్పి బోల్తా పడింది. ఈ ఘటనలో 32 మందికి గాయాలయ్యాయి. తీవ్ర గాయాలపాలైన ఫరానా బేగం అనే మహిళను అంబులెన్స్​లో హైదరాబాద్ తరలిస్తుండగా మృతి చెందింది. మరో ఏడుగురు క్షతగాత్రులకు నిర్మల్ ప్రభుత్వ ఆసుపత్రిలో చికిత్స అందిస్తున్నారు. ఘాట్ రోడ్డులో బస్సు వేగంగా వెళ్లే క్రమంలో అదుపు తప్పి బోల్తా పడినట్లు స్థానికులు భావిస్తున్నారు. దీనిపై పోలీసులు కేసు నమోదు చేసుకొని దర్యాప్తు చేస్తున్నారు.