ఒకదాన్నొకటి ఢీకొన్న కాలేజీ బస్సులు - డ్రైవర్ మృతి, 10 విద్యార్థులకు గాయాలు

Man Died in Narsapur Road Accident : మెదక్ జిల్లా నర్సాపూర్ ఎల్లమ్మ గుడి వద్ద సంగారెడ్డి ప్రధాన రహదారిపై ఘోర రోడ్డు ప్రమాదం జరిగింది. ఆటోను తప్పించబోయి బీవీఆర్‌ఐటీ కళాశాలకు చెందిన రెండు బస్సులు పరస్పరం ఢీకొన్నాయి. ఈ ప్రమాదంలో ఓ బస్సు డ్రైవర్‌ చికిత్స పొందుతూ మృతి చెందగా, సుమారు 10 మంది విద్యార్థులకు తీవ్ర గాయాలయ్యాయి. క్షతగాత్రులను నర్సాపూర్, సంగారెడ్డి, హైదరాబాద్ ఆస్పత్రులకు తరలించి చికిత్స అందిస్తున్నారు. ప్రమాదంతో దాదాపు నాలుగు కిలోమీటర్ల మేర వాహనాలు నిలిచిపోయి ట్రాఫిక్‌ జామ్ అయింది.