నాటు తుపాకీతో కాల్చుకుని వ్యక్తి ఆత్మహత్య - అప్పుల బాధలేనా ?

Man Commits Suicide Shoot Himself with Gun :అన్నమయ్య జిల్లాలో ఓ వ్యక్తి తుపాకీతో కాల్చుకుని ఆత్మహత్య చేసుకున్నాడు. చిన్నమండెం మండలం బోనమలకు చెందిన రాజగోపాల్ (50) ఇటుకల వ్యాపారం చేసుకుంటూ జీవనం సాగిస్తున్నాడు. సంబేపల్లి మండలం ముదినేనివాండ్లపల్లె వద్ద రాజగోపాల్ నాటు తుపాకీతో కాల్చుకుని ఆత్మహత్య చేసుకున్నాడు. కొంతకాలంగా అప్పులు అధికం కావడంతో కుటుంబ పోషణ కూడా భారమైందని, దాంతో తన వద్ద ఉన్న నాటు తుపాకీతో కాల్చుకొని ఆత్మహత్యకు పాల్పడ్డారని స్థానికులు తెలిపారు. విషయం తెలుసుకున్న పోలీసులు సంఘటనా స్థలానికి చేరుకుని నాటు తుపాకిని స్వాధీనం చేసుకొని విచారణ చేపట్టారు.