బాల సదనం నుంచి 17 ఏళ్ల విద్యార్థిని అదృశ్యం - కేసు నమోదు చేసిన పోలీసులు

Minor Girl Goes Missing In Jagtial :బాలసదనం నుంచి ఓ 17 ఏళ్ల విద్యార్థిని అదృశ్యమైన ఘటన జగిత్యాలలో కలకలం రేపింది. వివరాలు ఇలా ఉన్నాయి. పట్టణంలోని భీష్మనగర్ బాల సదనంలో ఓ 17 ఏళ్ల బాలిక ఉంటూ కస్తూర్భా గాంధీ పాఠశాలలో ఇంటర్ మొదటి సంవత్సరం చదువుతోంది. శుక్రవారం రాత్రి 7 గంటల ప్రాంతంలో ఆమె బాల సదనం నుంచి అదృశ్యం కాగా, ఆమె కోసం వెతికినప్పటికీ ఆచూకీ తెలియకపోవడంతో వారు జగిత్యాల పట్టణ పోలీసులకు ఫిర్యాదు చేశారు. బాలిక అదృశ్యంపై కేసు నమోదు చేసి దర్యాప్తు చేపట్టామని ఎస్సై మన్మథరావు తెలిపారు.