రంగారెడ్డి జిల్లాలో విషాదం - గోడ కూలి ఇద్దరు చిన్నారుల మృతి

Children Died in Wall Collapse in Rangareddy: రంగారెడ్డి జిల్లాలో విషాదం చోటుచేసుకుంది. గోడ కూలి ఇద్దరు చిన్నారులు మృతి చెందారు. మరో ఇద్దరు పిల్లల పరిస్థితి విషమంగా ఉండటంతో స్థానిక ఆస్పత్రికి తరలించారు. జిల్లాలోని మైలార్​దేవ్​పల్లి పరిధిలోని బాబుల్​రెడ్డి నగర్​లో చిన్నారులు ఆడుకుంటున్న సమయంలో ఒక్కసారిగా గోడ కూలింది. దీంతో ఇద్దరు చిన్నారులు అక్కడికక్కడే మృతి చెందగా, మరో ఇద్దరికి తీవ్ర గాయాలయ్యాయి. స్థానికులు వారిని ఆసుపత్రికి తరలించారు. ఈ విషయం తెలుసుకున్న పోలీసులు ఘటనా స్థలానికి చేరుకుని పరిశీలిస్తున్నారు. మృతి చెందిన ఇద్దరు చిన్నారులు బిహార్​కు చెందిన నూర్జాన్ కార్టూన్ (8), అప్పియ పర్వీన్ (3)గా గుర్తించారు.