బీఆర్​ఎస్​ నేత శ్రీధర్‌రెడ్డి హత్యపై డీజీపీకి వినతిప్రతం - సమగ్ర విచారణ జరిపించాలని డిమాండ్​

RS Praveen Kumar on BRS Leader Murder Case :వనపర్తి జిల్లా లక్ష్మీపల్లి గ్రామంలో చోటుచేసుకున్న శ్రీధర్ రెడ్డి హత్యపై సమగ్ర విచారణ జరిపించాలని బీఆర్​ఎస్​ నేత ఆర్​ఎస్‌ ప్రవీణ్‌కుమార్ డిమాండ్ చేశారు. వారం రోజుల్లో ఈ కేసుపై న్యాయం జరగకపోతే రాష్ట్ర వ్యాప్తంగా ఆందోళనలు చేస్తామని తెలిపారు. మృతుడు శ్రీధర్‌ రెడ్డి తల్లిదండ్రులతో కలిసి అయన డీజీపీ రవిగుప్తాకు వినతిపత్రం సమర్పించారు. హత్య జరిగి నాలుగు రోజులవుతున్నా ఇప్పటి వరకు ఎలాంటి చర్యలు తీసుకోలేదని ఆర్​ఎస్‌ ప్రవీణ్‌కుమార్ ఆక్షేపించారు. హత్యతో సంబంధముందని మంత్రి జూపల్లి కృష్ణారావుపై ఫిర్యాదు చేసినప్పటికీ ఎలాంటి చర్యలు తీసుకోలేదని అభ్యంతరం వ్యక్తం చేశారు. ముఖ్యమంత్రి వద్దనే హోంశాఖ ఉన్నందున సమగ్ర దర్యాప్తు చేపట్టి నిందితులను శిక్షించాలని డిమాండ్​ చేశారు.