స్ట్రాంగ్ రూంలకు ఎమ్మెల్సీ ఎన్నికల బ్యాలెట్ బాక్సుల తరలింపు - పటిష్ఠ భద్రత ఏర్పాటు

Ballot Boxes Shifted Strong Rooms :వరంగల్-ఖమ్మం-నల్గొండ పట్టభద్రుల ఎమ్మెల్సీ ఎన్నిక సోమవారమే ముగియడంతో బ్యాలెట్ బాక్సులను అధికారులు స్ట్రాంగ్ రూంలకు తరలించారు. 12 జిల్లాల్లో పోలైన ఓట్ల బ్యాలెట్ బాక్సులను భారీ భద్రత మధ్య నల్గొండలోని అనిశెట్టి దుప్పలపల్లి వ్యవసాయ గోదాంలో ఏర్పాటు చేసిన స్ట్రాంగ్ రూంలో భద్రపరిచారు. వాటిని రిటర్నింగ్ అధికారి దాసరి హరిచందన పరిశీలించారు. అక్కడ పటిష్ఠ బందోబస్తు ఏర్పాటు చేశామని తెలిపారు. జూన్ 5న లెక్కింపు ప్రక్రియ అనంతరం విజేతల వివరాలను వెల్లడిస్తామని ఆమె వివరించారు.