Nicholas Pooran Breaks Rizwan's Record:వెస్టిండీస్ స్టార్ హిట్టర్‌ నికోలస్ పూరన్ టీ20ల్లో సరికొత్త ప్రపంచ రికార్డు సృష్టించాడు. ఒక క్యాలెండర్‌ ఇయర్‌లో అత్యధిక పరుగులు బాదిన ఆటగాడిగా రికార్డు నెలకొల్పాడు. 2024లో ఇప్పటివరకు 65 ఇన్నింగ్స్ల్లో 2059 పరుగులు చేశాడు. ఈ క్రమంలో పాకిస్థాన్ బ్యాటర్ మహ్మద్ రిజ్వాన్ (2036 పరుగులు) రికార్డును బద్దలుకొట్టాడు.
నికోలస్ పూరన్ వరల్డ్ రికార్డ్ - T20ల్లో అరుదైన ఘనత
Nicholas Pooran Record (Source : Getty Images)
Published : Sep 28, 2024, 4:57 PM IST
ప్రస్తుతం కరీబియన్ ప్రీమియర్ లీగ్లో ఆడుతున్న పూరన్ శుక్రవారం శుక్రవారం బార్బడోస్‌ రాయల్స్‌తో జరిగిన మ్యాచ్‌లో 27 పరుగులు బాదాడు. ఈ నేపథ్యంలోనే ఈ అరుదైన ఫీట్ అందుకున్నాడు. పూరన్ ఈ ఏడాది ఐపీఎల్లో లఖ్నవూకు ప్రాతినిధ్యం వహించిన పూరన్ 499 పరుగులతో సత్తా చాటాడు. ఇక 2024లో వెస్టిండీస్ సహా పలు టీ20 టోర్నీల్లో పూరన్ అద్భుతంగా రాణించాడు.
టీ20ల్లో ఏడాదిలో అత్యధిక పరుగులు
| నికోలస్ పూరన్ | 2059* పరుగులు | 2024 |
| మహ్మద్ రిజ్వాన్ | 2036 పరుగులు | 2021 |
| అలెక్స్‌ హేల్స్ | 1946 పరుగులు | 2022 |
| జాస్ బట్లర్ | 1833 పరుగులు | 2023 |
| మహ్మద్ రిజ్వాన్ | 1817 పరుగులు | 2022 |