Rani Rampal Announces Retirement: భారత మహిళల హాకీ జట్టు మాజీ కెప్టెన్ రాణి రాంపాల్ రిటైర్మెంట్ ప్రకటించింది. కెరీర్కు వీడ్కోలు పలుకుతున్నట్లు గురువారం ఓ ప్రకటనలో తెలిపింది. ఆటకు గుడ్బై చెప్పిన 30ఏళ్ల రాణి రాంపాల్, మహిళల హాకీ లీగ్ ఇండియాలో సూర్మ (హరియాణా) జట్టుకు కోచ్గా వ్యవహరించనున్నట్లు వెల్లడించింది.
కాగా, 14ఏళ్ల వయసులోనే భారత్ తరఫున 2008లో రాణి అరంగేట్రం చేసింది. దీంతో భారత్ తరఫున మహిళల హాకీలో అరంగేట్రం చేసిన అత్యంత పిన్న వయస్కురాలిగా రికార్డు నెలకొల్పింది. 16ఏళ్ల తన కెరీర్లో రాణి ఇప్పటివరకు 250 మ్యాచ్ల్లో ఆడింది. అన్నింట్లో కలిపి 130 గోల్స్ సాధించింది. తన నాయకత్వంలో 2020 టోక్యో ఒలింపిక్స్లో పాల్గొన్న టీమ్ఇండియా నాలుగో స్థానంలో నిలిచింది.
ఇక రాణి 2016లో అర్జునా అవార్డు, 2020లో పద్శ శ్రీ అవార్డులు దక్కించుకుంది. అదే 2020లో మేజర్ ధ్యాన్చంద్ ఖేల్రత్న అవార్డు సైతం దక్కింది.
