పడవ డాక్​ చేస్తుండగా ప్రమాదం- 78 మంది మృతి

Congo Boat Capsize :కాంగోలోని కివు లేక్​లో 278 మంది ప్రయాణికులతో వెళుతున్న పడవ మునిగి 78 మంది మృతిచెందారు. ఈ ఘటనలో మృతుల సంఖ్య ఇంకా పెరిగే అవకాశం ఉందని స్థానిక ప్రావిన్స్​ గవర్నర్ తెలిపారు. ఓవర్​ లోడింగ్​ కారణంగా కిటుకు పోర్ట్​కు కొన్ని మీటర్ల సమీపంలో డాక్ చేయడానికి ప్రయత్నిస్తుండగా పడవ మునిగిపోయినట్లు ప్రత్యక్ష సాక్షి చెప్పాడు. ఇప్పటికే 50మంది మృతదేహాలను బయటకు తీసినట్లు తెలిపాడు. కాగా, ఓవర్‌ లోడింగుతో ప్రయాణికులను తరలించే పడవలు తరచూ ప్రమాదాలకు గురవటం ఈ ప్రాంతంలో సర్వసాధారణంగా మారింది.