'విరూపాక్ష' డైరెక్టర్ మాస్టర్ ప్లాన్ - చైతూ కోసం స్పెషల్ రోల్!

Naga Chaitanya Karthik Dandu Movie :టాలీవుడ్ యంగ్ హీరో అక్కినేని నాగచైతన్య, 'విరూపాక్ష' డైరెక్టర్ కార్తిక్ దండు కాంబోలో ఓ సినిమా పట్టాలెక్కనున్న సంగతి తెలిసిందే. అయితే ఇప్పుడు ఈ మూవీకి సంబంధించిన ఓ వార్త నెట్టింట తెగ ట్రెండ్ అవుతోంది. ఇందులో చైతూ ద్విపాత్రాభినయం చేయనున్నారట. ఈ రెండు పాత్రలకు చాలా వేరియేషన్స్ ఉంటాయని, ముఖ్యంగా చైతూ ఇందులో తన కొత్త లుక్​తో అదరగొడుతారని సినీ వర్గాల్లో టాక్ నడుస్తోంది.

ఇదిలా ఉండగా, ఈ మూవీలో నాగచైత్యన సరసన పూజా హెగ్డే కనిపించనున్నట్లు చర్చలు జరుగుతున్నాయి. ఈ ఇద్దరి మధ్య సాగనున్న లవ్​ట్రాక్​ కూడా ఆసక్తికరంగా ఉండనున్నట్లు తెలుస్తోంది. ప్రీప్రొడక్షన్ పనులు ముగించుకుని రానున్న అక్టోబర్ నుంచి షూటింగ్ ప్రారంభం కానున్నట్లు సమాచారం.