టీమ్ఇండియా హార్ట్​బ్రేక్​కు ఏడాది- అది ఎప్పటికీ పీడకలే

టీమ్ఇండియా హార్ట్​బ్రేక్​కు ఏడాది- అది ఎప్పటికీ పీడకలే!

ODI World Cup 2023 India : టీమ్ఇండియా క్రికెట్ ఫ్యాన్స్ గుండె బద్దలై ఏడాది గడిచింది. సరిగ్గా ఏడాది కిందట ఇదే రోజు కోట్లాది మంది భారతీయుల కల చెదిరిపోయింది. 12ఏళ్ల తర్వాత భారత్ మూడోసారి వన్డే వరల్డ్​ కప్ ముద్దాడతుందనుకుంటే అది ముచ్చటగానే మిగిలిపోయింది. 2023 వన్డే వరల్డ్​కప్ ఫైనల్ మ్యాచ్ ఫలితం చూసి మైదానం అంతా నిశబ్దంగా మారిపోయింది. భారత ప్లేయర్లు సహా కోట్లాది మంది కంటతడి పెట్టారు.

19 ననంబర్ 2023 అహ్మదాబాద్ వేదికగా భారత్- ఆస్ట్రేలియా మధ్య మెగా టోర్నీ ఫైనల్ జరిగింది. ఆ టోర్నీలో అప్పటికే వరుసగా 10 మ్యాచ్​లు నెగ్గిన టీమ్ఇండియా టైటిల్ నెగ్గుతుందనడంలో ఫ్యాన్స్​కు ఎలాంటి సందేహాల్లేవ్! పైగా కెప్టెన్ రోహిత్ శర్మ సహా, స్టార్ బ్యాటర్ విరాట్ కోహ్లీ, కేఎల్ రాహుల్, శ్రేయస్ అయ్యర్ ఫుల్ ఫామ్​లో ఉన్నారు. మరోవైపు జస్ప్రీత్ బుమ్రా, మహ్మద్ షమీ లాంటి పేస్ గన్​లు టీమ్ఇండియా సొంతం. ఇక 12ఏళ్ల కల సాకారం అవ్వడం పక్కా అని అభిమానలు, సంబరాలకు సిద్ధమైపోయారు.

కల చెదిరే- కప్పు చేజారే
కానీ, ఆ ఫైనల్ మ్యాచ్​లో అనూహ్యంగా టీమ్ఇండియా ఓడింది. బ్యాటింగ్​ జోరుగానే ప్రారంభించినప్పటికీ, ఇన్నింగ్స్ సాగుతున్నా కొద్దీ పరుగుల వేగం నెమ్మదించింది. తొలి 10 ఓవర్లలో 80 పరుగులు రాగా, తర్వాత 40 ఓవర్లలో టీమ్ఇండియా 160 పరుగులే చేసింది. దీంతో తొలి ఇన్నింగ్స్​లో భారత్ 240-10 స్కోర్ నమోదు చేసింది. అనంతరం ఆసీస్ ఛేదనలో ఆరు ఓవర్లకు మూడు వికెట్లు కోల్పోయినా, ట్రావిస్ హెడ్ ఆ జట్టును ఆదుకున్నాడు. సూపర్ సెంచరీ (137 పరుగులు)తో ఆసీస్​కు చిరస్మరణీయ విజయం అందించాడు. 43 ఓవర్లలోనే ఆసీస్ లక్ష్యాన్ని ఛేదించి విశ్వ విజేతగా అవతరించింది. అంతే టీమ్ఇండియా ఫ్యాన్స్ హార్ట్ బ్రేక్ అయ్యింది. సీనియర్లు రోహిత్, విరాట్ గ్రౌండ్​లోనే కన్నీళ్లు పెట్టుకున్నారు. ఆ మ్యాచ్​ భారత క్రికెట్ ఫ్యాన్స్​కు ఓ పీడకలగా మిగిలిపోయింది.

2024 was the T20 WorldCup year but idk why for some reason it still was not able to heal me from this 19th Nov heartbreak...! Agree..?#INDvsAUS pic.twitter.com/9dY2fSJ20N

— Pufaddal Bohra (@Pranjal81111995) November 18, 2024

India lost 2023 ICC Odi World cup final. pic.twitter.com/XZ3mjisKjj

— Proshanto Acharjee (@AjProsanta) November 13, 2024