Bharateeyudu OTT:లోకనాయకుడు కమల్హాసన్- శంకర్ కాంబోలో తెరకెక్కిన 'భారతీయుడు- 2' థియేటర్లలో సందడి చేస్తోంది. జులై 12న రిలీజైన ఈ సినిమాకు ప్రేక్షకుల నుంచి మంచి స్పందన లభిస్తోంది. ఈ క్రమంలో చిత్రయూనిట్ ప్రేక్షకుల కోసం 'భారతీయుడు' సినిమాను ఓటీటీలో రిలీజ్ చేసేందుకు రెడీ అయ్యింది. అయితే సినిమా విడుదలైన రెండు రోజుల్లోనే ఓటీటీలో ఎంట్రీ ఎంటీ అని ఆశ్చర్యంగా ఉందా? అవును ఇది నిజమే!
కమల్ ఫ్యాన్స్ గెట్రెడీ- OTTలోకి 'భారతీయుడు'- స్ట్రీమింగ్ 'మండే'నే
Published : Jul 14, 2024, 9:18 AM IST
![కమల్ ఫ్యాన్స్ గెట్రెడీ- OTTలోకి 'భారతీయుడు'- స్ట్రీమింగ్ 'మండే'నే Bharateeyudu OTT](https://etvbharatimages.akamaized.net/etvbharat/prod-images/14-07-2024/448-252-21946860-thumbnail-16x9-indian-ott.jpg)
కానీ, ఓటీటీలో రిలీజ్ కానుంది 1996లో బ్లాక్బస్టర్ హిట్ కొట్టిన 'భారతీయుడు' (తొలి పార్ట్). తాజాగా విడుదలైన భారతీయుడు- 2 తొలిపార్ట్కు సీక్వెల్గా తెరకెక్కింది. అందుకే ఈ సినిమాను అర్థం చేసుకునేందుకు వీలుగా ఉంటుందని మేకర్స్ ఈ నిర్ణయం తీసుకున్నట్లు తెలుస్తోంది. ఈ నేపథ్యంలో ప్రముఖ ఓటీటీ ప్లాట్ఫామ్ నెట్ఫ్లిక్స్లో జులై15 నుంచి స్ట్రీమింగ్ కానుంది. ఇక కమల్ హాసన్తోపాటు మనీషా కొయిరాలా, ఉర్మిళ, భానుప్రియ నటించిన తొలిపార్ట్ అప్పట్లో భారీ విజయం సాధించింది.