బాలయ్య 'BB4' కోసం క్రేజీ మ్యూజిక్ డైరెక్టర్!
Published : Jul 24, 2024, 4:14 PM IST
Balakrishna Boyapati NBK 110 Music Director :నందమూరి బాలకృష్ణ ప్రస్తుతం బాబీ దర్శకత్వంలో NBK109 చేస్తున్న సంగతి తెలిసిందే. దీని తర్వాత బోయపాటి శీనుతో(బీబీ4) ఓ సినిమాను చేయనున్నారు. ఇది అఖండ 2 అని టాక్. భారీ బడ్జెట్తో 14రీల్స్ బ్యానర్పై నిర్మిస్తున్నారు. అయితే ఈ యాక్షన్ డ్రామాకు సంగీతదర్శకుడు ఎవరనేది ఇంకా క్లారిటీ లేదు. కానీ ఫ్యాన్స్ మాత్రం తమనే ఉంటారని అనుకుంటున్నారు. ఎందుకంటే తమన్ బాలయ్యతో వరుసగా అఖండ, వీరసింహారెడ్డి, భగవంత్ కేసరి, NBK109 చేశారు. అయితే ఈసారి NBK110టీమ్ మార్చే ఆలోచనలో ఉన్నారట. యానిమల్ ఫేమ్ హర్షవర్ధన్ రామేశ్వర్ను అనుకుంటున్నట్లు తెలిసింది. ప్రస్తుతం ఈ విషయం సోషల్ మీడియాలో చక్కర్లు కొడుతోంది. కాగా, సింహా, లెజెండ్, అఖండ హ్యాట్రిక్ బ్లాక్ బస్టర్స్ కాంబో కావడం వల్ల బాలయ్య-బోయపాటి బీబీ4పై భారీ హైప్ నెలకొంది. NBK109 షూటింగ్ పూర్తవ్వగానే NBK110 చిత్రీకరణ మొదలయ్యే ఛాన్స్ ఉంది.