ట్రాక్టర్​, బస్సు ఢీ- ఐదుగురు భక్తులు దుర్మరణం- 40మందికి పైగా గాయాలు

Mumbai Road Accident : మహారాష్ట్రలో ముంబయి-పుణె ఎక్స్‌ప్రెస్‌వేపై అర్ధరాత్రి ఓ ట్రాక్టర్‌ యాత్రికుల బస్సు ఢీకొనడం వల్ల ఐదుగురు భక్తులు ప్రాణాలు కోల్పోయారు. 40మందికి పైగా గాయపడ్డారు. వారిలో ముగ్గురి పరిస్థితి విషమంగా ఉంది. డోంబివిలి నుంచి పంఢరపుర్‌కు ఆషాఢ ఏకాదశి వేడుకల కోసం 54మంది భక్తులు బస్సులో వెళ్తుండగా ప్రమాదం జరిగిందని పోలీసులు తెలిపారు. ఈ ఘటనలో యాత్రికుల బస్సు పక్కనే ఉన్న ఓ కాల్వలో పడిందని చెప్పారు. హుటాహుటిన ఘటనాస్థలికి చేరుకుని క్షతగాత్రులను ఆస్పత్రికి తరలించినట్టు తెలిపారు.