ఈ ఏడాది సాధారణం కంటే ఎక్కువ వర్షపాతం- అక్టోబర్​, డిసెంబర్​లో కూడా వర్షాలు పడతాయ్! : IMD

Monsoon Season 2024 :ఈ ఏడాది సాధారణం కంటే 7.6శాతం ఎక్కువ వర్షపాతంతో మాన్​సూన్​ సీజన్ ముగిసిందని భారత వాతావరణ శాఖ(ఐఎండీ)తెలిపింది. ఐఏండీ గణాంకాల ప్రకారం, గుజరాత్​, పశ్చిమ మధ్యప్రదేశ్​, మహారాష్ట్ర, తెలంగాణ, ఆంధ్రప్రదేశ్​ రాష్ట్రాల్లో అధిక వర్షపాతం నమోదైంది. భారత వ్యవసాయ రంగానికి వర్షకాలం చాలా కీలకం. దేశ నికర సాగు విస్తీర్ణంలో దాదాపు 52 శాతం వర్షాధారమే.

అంతేకాకుండా, అక్టోబర్​, డిసెంబర్​లో దక్షిణ, మధ్య, ఈశాన్య భారతంలో సాధారణం కంటే ఎక్కువ వర్షాలు పడే అవకాశం ఉందని ఐఎండీ అంచనా వేసింది. ఇక దక్షిణ, మధ్య భారతంలోని కొన్ని ప్రాంతాలు మినహా దేశవ్యాప్తంగా సాధారణం కంటే ఎక్కువ ఉష్ణోగ్రత నమోదవుతుందని చెప్పింది.