శ్మశాన వాటికను ఆక్రమించిన వైఎస్సార్సీపీ నేత - చర్యలు తీసుకొని అధికారులు - శ్మశానంను ఆక్రమించిన వైసీపీ నేత

YCP Leader Occupying Cremation Ground in Eluru District : ఎన్నికలు సమీపిస్తున్న నేపథ్యంలో వైసీపీ నాయకుల ఆగడాలు పెచ్చుమీరుత్తున్నాయి. ఏలూరు జిల్లా ఉంగుటూరు మండలం యర్రమళ్లలో గ్రామకంఠం భూమిని స్థానిక వైసీపీ నాయకుడు ఆక్రమించారు. నాచుగుంట పంచాయతీ పరిధిలో సర్వే నంబరు 359 లో గ్రామ కంఠం భూమి ఉంది. ఈ భూమిలో కొంత భాగాన్ని ఓ సామాజిక వర్గం కొన్నేళ్లుగా శ్శశాన వాటికగా వినియోగించుకుంటుంది. 

ఈ శ్మశానంలో కొంత భూమిని, పక్కనే ఉన్న కోనేరు చెరువు గట్టును వైసీపీ నాయకుడు ఆక్రమించి స్తంభాలు పాతించి, కంచె వేయించాడు. ఈ విషయంపై అధికారులకు ఎన్ని సార్లు ఫిర్యాదు చేసిన పట్టించుకోవడం లేదని స్థానికులు ఆగ్రహం వ్యక్తం చేశారు. అధికార పార్టీకి చెందిన నాయకుడు కావడంతో అధికారులు నోరు మెదపలేకపోతున్నారు. దీనిపై పంచాయతీ కార్యదర్శి ప్రసాద్​ను వివరణ కోరగా ఆక్రమణ విషయం తన దృష్టికి వచ్చిందన్నారు. లిఖిత పూర్వకంగా ఫిర్యాదు రాగానే అక్రమణదారుడికి ఇస్తామన్నారు. శ్మశాన భూమిని అన్యక్రాంతం కాకుండా చూడాలని స్థానికులు కోరుతున్నారు.