హైదరాబాద్​లో అడవి పిల్లి సంచారం - భయాందోళనలో ప్రజలు - Wild Cat Roaming In Hyderabad - WILD CAT ROAMING IN HYDERABAD

Wild Cat Roaming In Hyderabad : హైదరాబాద్ కుత్బుల్లాపూర్ గాజులరామారంలోని రెండు పడక గదుల ఇళ్ల సమీపంలో పిల్లి సంచారం స్థానికులను భయాందోళనకు గురి చేసింది. గ్రామంలోని రెండు పడక గదుల ఇళ్లను ఆనుకొని కొంత మేర ఫారెస్ట్ భూమి ఉండటంతో అడవి జంతువుల సంరక్షణకు అటవీ అధికారులు కంచె వేశారు.

Wild Cat Viral Video : బుధవారం ఉదయం చిరుత పులి పోలికతో ఉన్న జంతువు కంచె దాటుకొని ఇళ్ల సమీపంలోకి రావడం చూసిన స్థానికులు భయాందోళనలకు గురయ్యారు. వెంటనే అటవీశాఖ అధికారులకు సమాచారం ఇచ్చారు. అక్కడికి చేరుకున్న అధికారులు అది పులి కాదని అడవి పిల్లి అని తెలిపారు. ఎవరు కూడా ఆందోళన చెందాల్సిన పని లేదన్నారు. దీంతో అక్కడి ప్రజలు ఊపిరి పీల్చుకున్నారు. అధికారులు అడవి పిల్లిని బోనులో బంధించి కారులో తీసుకెళ్లారు. ఏవైనా జంతువులు ఇళ్ల సమీపంలోకి వస్తే సమాచారం ఇవ్వాలని అధికారులు తెలిపారు. వింతగా కనిపించిన పిల్లిని చూసేందుకు స్థానికులు ఎగబడ్డారు. ఫోన్లలో వీడియోలు తీసి సామాజిక మాధ్యమాల్లో పోస్ట్ చేశారు.