ప్రియురాలితో సహజీవనం - భార్యకు రెడ్ హ్యాండెడ్గా దొరికిన భర్త - husbund illegal affair
Published : Jun 16, 2024, 2:40 PM IST
Wife Caught Husband Cheating In Hyderabad : హైదరాబాద్ ముషీరాబాద్లో వివాహేతర సంబంధం పెట్టుకున్న ఓ వ్యక్తి తన ప్రేయసితో అడ్డంగా భార్య వద్ద బుక్కయ్యాడు. ప్రియురాలితో సహజీవనం చేస్తూ భార్యకు రెడ్ హ్యాండెడ్గా దొరికిపోయాడు. భార్యాపిల్లలు అతడికి, అతడి ప్రియురాలికి దేహశుద్ధి చేశారు.
ముషీరాబాద్ ఎస్ఆర్టీ కాలనీకి చెందిన ప్రవీణ్కు గతంలో ఓ మహిళతో వివాహం జరిగింది. వీరికి ఇద్దరు పిల్లలు ఉన్నారు. అయితే కొద్ది రోజులుగా వీరిద్దరి మధ్య వివాదాలు ఏర్పడి వేరుగా ఉంటున్నారు. భార్య, భర్తపై మహిళా పోలీస్ స్టేషన్లో ఫిర్యాదు చేయగా 498 కేసు నమోదు చేశారు. ప్రస్తుతం ఈ కేసు కోర్టులో ఉంది.
భార్య పుట్టింట్లోనే ఉండడంతో తన ఆఫీసులో పనిచేసే మరో మహిళతో వివాహేతర సంబంధం నడిపాడు ప్రవీణ్. గత కొంతకాలంగా ఈ ఇద్దరు కలిసి సహజీవనం చేస్తున్నారు. సహజీవనం చేస్తున్న మహిళకు కూడా గతంలోనే పెళ్లయి ఇద్దరు పిల్లలు ఉన్నారు. ఆమె కూడా భర్తతో వేరుగా ఉంటూ ప్రవీణ్తో సహజీవనం చేస్తుంది. ఈ విషయంపై ప్రవీణ్ భార్యాపిల్లలు నిలదీసి అతడిపై దాడి చేశారు. అతడు ఎదురుతిరిగి భార్యపై ఎదురుదాడికి తెగబడ్డాడు.