వెంకటాచలంలో స్వర్ణభారత్ ట్రస్ట్ వార్షికోత్సవం - పాల్గొన్న ఉపరాష్ట్రపతి - Vice President visit nellore

Vice President Jagdeep Dhan Khad Visit Nellore District : నెల్లూరు జిల్లాలోని వెంకటాచలం స్వర్ణభారత్​ ట్రస్ట్​ వార్షికోత్సవంలో పాల్గొనేందుకు ఉపరాష్ట్రపతి జగదీప్ ధన్ ఖడ్ చేరుకున్నారు. ప్రత్యేక హెలికాప్టర్​లో నెల్లూరు పోలీస్ పరేడ్ గ్రౌండ్​కు చేరుకున్న ఉపరాష్ట్రపతి దంపతులకు ఘన స్వాగతం లభించింది. గవర్నర్ జస్టిస్ అబ్దుల్ నజీర్ దంపతులు, మంత్రులు నారాయణ, ఆనం రామనారాయణరెడ్డి ఆయనకు ఘన స్వాగతం పలికారు. 

నెల్లూరులోని అక్షర విద్యాలయానికి ఉపరాష్ట్రపతి జగదీప్​ ధన్​ఖడ్​ చేరుకుని స్వామి వివేకానంద, సర్దార్ వల్లభాయ్ పటేల్ విగ్రహాలకు పుష్పాంజలి ఘటించారు. తర్వాత ఉపరాష్ట్రపతి జగదీప్ ధన్ ఖడ్ విద్యార్థులతో ముచ్చటించారు. అనంతరం స్వర్ణభారత్ ట్రస్ట్ వార్షికోత్సవంలో పాల్గొన్నారు. వార్షికోత్సవం సందర్భంగా జ్యోతి వెలిగించి కార్యక్రమాన్ని ప్రారంభించారు. ఈ కార్యక్రమంలో మాజీ ఉపరాష్ట్రపతి వెంకయ్యనాయుడు, ఇతర నాయకులు పాల్గొన్నారు. వార్షికోత్సవం సందర్భంగా స్వర్ణభారత్​ ట్రస్ట్​లో సాంస్కృతిక కార్యక్రమాలు నిర్వహించారు. స్వయం ఉపాధి శిక్షణా కార్యక్రమాల ద్వారా ప్రజలను తమ కాళ్లపై తాము నిలబడేలా చేయడం స్వర్ణభారత్​ ఆశయాల్లో ఒకటి.