పార్శిల్ డెలివరీ ద్వారా రూ.125 ఆదాయార్జనే ఆర్టీసీ లక్ష్యం: ఎండీ సజ్జనార్ - RTC Md Sajjanar On rtc revenue

RTC Md Sajjanar Launched Model Logistic Counter : 2023-24సంవత్సరంలో లాజిస్టిక్స్‌ పార్శల్‌ డెలివరీ ద్వారా రూ.120కోట్ల రూపాయల ఆదాయాన్ని టీఎస్​ఆర్టీసీ లక్ష్యంగా చేసుకుందని సంస్థ ఎండీ సజ్జనార్‌ తెలిపారు. గత ఏడాది రూ. 70 కోట్ల రెవెన్యూ వచ్చిందన్నారు. హైదరాబాద్ దిల్‌సుఖ్​నగర్‌లో మోడల్‌ లాజిస్టిక్స్‌ కౌంటర్‌ ప్రారంభోత్సవానికి ఆయన హాజరయ్యారు. అనంతరం లాజిస్టిక్స్‌ విభాగం కొత్త లోగోను టీఎస్​ఆర్టీసీ ఎండీ సజ్జనార్ విడుదల చేశారు. లాజిస్టిక్స్​ వాహనాన్ని జెండా ఊపి ఆయన ప్రారంభించారు. రాష్ట్రవ్యాప్తంగా పార్శిళ్లను గంటల వ్యవధిలోనే గమ్యస్థానాలకు చేరుస్తున్నామని ఆయన పేర్కొన్నారు. రానున్న రోజుల్లో సరికొత్త ఆవిష్కరణతో ప్రజల ముందుకు వస్తామని వెల్లడించారు. 

టీఎస్​ఆర్టీసీ ద్వారా రోజుకు 15 వేల పార్శిళ్లను అందిస్తున్నామని త్వరలో ఆ సంఖ్యను మరింత పెంచేందుకు కృషిచేస్తున్నామని ఆర్టీసీ ఎండీ సజ్జనార్ తెలిపారు. ఇటీవలే టీఎస్​ఆర్టీసీ 25 కొత్త ఎలక్ట్రిక్ బస్సులను అందుబాటులోకి తెచ్చింది. వీటిని ఉపముఖ్యమంత్రి భట్టి విక్రమార్క ఇతర మంత్రులు కలిసి ప్రారంభించారు.