ఎలాంటి అభివృద్ధి లేదు - పేర్ని నాని ఓట్లు ఎలా అడుగుతున్నారు? : సమతా సైనిక్ దళ్ - Samata Sainik Dal On Perni Nani

Samata Sainik Dal On Perni Nani: బందర్ పోర్ట్ పూర్తి చేసిన తర్వాతే ఓట్లు అడుగుతానని గతంలో చెప్పిన మాజీ మంత్రి పేర్ని నాని, ఇప్పుడు ఏ ముఖం పెట్టుకుని ఎన్నికల్లో ఓట్లు అడుగుతున్నారని సమతా సైనిక్ దళ్ కార్యదర్శి పిల్లి సురేంద్ర బాబు ప్రశ్నించారు. మచిలీపట్నం నియోజకవర్గంలో ఎస్సీలపై నాని పెత్తనం చెలాయిస్తున్నారని ఆరోపించారు. 2019 ఎలక్షన్ ముందు పేర్ని నాని ఇచ్చిన హామీలు అన్నీ నెరవేర్చరా అని నిలదీశారు. అభివృద్ధి పనులకు కేటాయించిన డబ్బులు ఏం చేశారని మండిపడ్డారు. 

అంబేడ్కర్ భవన్ పూర్తి చేస్తానని అన్నారు. చేశారా అని సురేంద్రబాబు ప్రశ్నించారు. ఈ మేరకు పేర్ని నాని, పేర్ని కిట్టుకి సవాల్​ విసిరారు. మచిలీపట్నంలో మెడికల్ కాలేజీ నిర్మించామని పబ్లిసిటీ ఇస్తున్న పేర్ని నాని, కళాశాలలో ఎస్సీ, ఎస్టీ మెడికల్ సీట్లను అమ్ముకున్నారా ? లేదా ? సమాధానం చెప్పాలని డిమాండ్ చేశారు. ఎస్సీలను మభ్యపెట్టి మోసం చేస్తున్నారని ఆరోపించారు. రాజకీయాల్లోకి వచ్చేందుకు నీ కుమారునికి ఏం అర్హత ఉందో చెప్పాలన్నారు. ఈ ఐదేళ్ల కాలంలో బందర్​లో నాని ఎటువంటి అభివృద్ది చేయలేదన్నారు. పెత్తందారులాగా, ఓ నియంతలాగా నాని వ్యవరిస్తున్నారని విమర్శించారు.