LIVE : హనుమకొండలో ప్రజాపాలన విజయోత్సవ సభ

Prajapalana Vijayotsava Sabha Live : హనుకొండ ఆర్ట్స్​ అండ్​ సైన్స్​ కళాశాలలో అట్టహాసంగా ప్రజాపాలన విజయోత్సవ సభ జరుగుతోంది. ఇక్కడి నుంచే రాష్ట్రవ్యాప్తంగా నిర్మించనున్న 22 ఇందిరా మహిళా శక్తి భవనాలను ముఖ్యమంత్రి రేవంత్​ రెడ్డి శంకుస్థాపన చేశారు. అలాగే ఇటీవలే నిర్మాణం పూర్తైన నయూంనగర్​ వంతెన, మత్తుపదార్ధాల నియంత్రణ- ఎన్​టీపీఎస్​ పోలీస్​ స్టేషన్​ను వర్చువల్​గా ప్రారంభించారు. మరోవైపు రూ.4,170 కోట్లతో అండర్​ గ్రౌండ్​ డ్రైనేజీ నిర్మాణ పనులకు సైతం శంకుస్థాపన చేశారు. బహిరంగ సభ ప్రాంగణానికి ఇందిరా మహిళా శక్తి ప్రాంగణంగా నామకరణం చేశారు. ఈ సభా ఏర్పాట్లను మంత్రులు శ్రీధర్​ బాబు, కొండా సురేఖ, ఎమ్మెల్యే నాయిని రాజేందర్​ రెడ్డి చూసుకున్నారు. ఇందిరా మహిళా శక్తి మేళాను ఎంపీ కడియం కావ్య ప్రారంభించారు. అంతకు ముందు సీఎం రేవంత్​ రెడ్డి.. హనుమకొండలో కాళోజీ కళాక్షేత్రం ప్రారంభించారు.. అనంతరం ఆర్ట్​ గ్యాలరీని తిలకించారు. అక్కడి నుంచి ఆర్ట్​ కళాశాలలో ఏర్పాటు చేసిన విజయోత్సవ వేదికకు చేరుకున్నారు. మహిళా శక్తి మేళాను సందర్శించడంతో పాటు మహిళా శక్తి పథకంలో భాగంగా బ్యాంక్​ లింకేజ్​ చెక్కులు, బీమా చెక్కులను పంపిణీ చేశారు.