రాష్ట్ర అభివృద్ధి కూటమితోనే సాధ్యం: నారా లోకేశ్​ - NARA LOKESH CAMPAIGN - NARA LOKESH CAMPAIGN

Nara Lokesh Meeting at Balaji Apartment in Mangalagiri : రాష్ట్రం అభివృద్ధి చెందాలంటే టీడీపీ-జనసేన-బీజేపీ కూటమి అధికారంలోకి రావాలని నారా లోకేశ్​ తెలిపారు. గుంటూరు జిల్లా మంగళగిరిలో బాలాజీ అపార్ట్​మెంట్​  సభ్యులతో నారా లోకేశ్​, గుంటూరు పార్లమెంట్​ అభ్యర్థి పెమ్మసాని చంద్రశేఖర్​ సమావేశమయ్యారు. చంద్రబాబునాయుడు ఎప్పుడు రాష్ట్ర ప్రజల సంక్షేమం గురించి ఆలోచిస్తారే కానీ హత్య రాజకీయాలను ఎప్పుడు చేయలేదని స్పష్టం చేశారు. అలాంటి నాయకుడిని తప్పుడు కేసులో ఇరికించేందుకు సీఎం జగన్​ ప్రయత్నిస్తున్నారని మండిపడ్డారు.

చంద్రబాబు అభివృద్ధి చేసే విషయంలో కుల, మతాలను పట్టించుకోలేదని లోకేశ్​ పేర్కొన్నారు. సమాజంలో మార్పు రావాలంటే ముందుగా మనందరం మారాలని ఈ సందర్భంగా తెలియజేశారు. యువతకు సొంత రాష్ట్రంలో ఉపాధి కల్పిస్తామని గత ఎన్నికల్లో హామీ ఇవ్వడం వల్లే సీఎం జగన్​ అధికారంలోకి వచ్చారని వ్యాఖ్యానించారు. సీఎం జగన్​ అధికారంలోకి వచ్చి అయిదేళ్లు అవుతున్నా ఒక పరిశ్రమ కూడా రాష్ట్రంలో రాలేదని ధ్వజమెత్తారు. రానున్న ఎన్నికల్లో తనను, పెమ్మసాని చంద్రశేఖర్​ను గెలిపించాలని లోకేశ్​ కోరారు.