ప్యాంట్​ పాకెట్​లో పేలిన మొబైల్​ - చివరికి ఏం జరిగిందంటే? - phone exploded in pant pocket - PHONE EXPLODED IN PANT POCKET

Mobile Phone Exploded in a Pant Pocket in Pitlam : మనం అప్పుడప్పుడు మొబైల్​ ఫోన్ పేలిన ఘటనల వార్తలు వింటూ ఉంటాం. తాజాగా ఇటువంటి ఘటన కామారెడ్డి జిల్లాలో చోటుచేసుకుంది. ఓ వ్యక్తి ప్యాంట్ జేబులో పెట్టుకున్న మొబైల్ ఒక్కసారిగా పేలడంతో ఒక్కసారిగా కంగుతిన్నాడు. ఈ ఘటన పిట్లం మండల కేంద్రంలోని ఎస్సీ కాలనీకి చెందిన సాయిలుకు ఎదురైంది. ప్యాంటు పాకెట్లో ఉన్న మొబైల్​ నుంచి ఒకేసారి శబ్దం రాగా, ఫోన్ తీసేలోపే మంటలు అంటుకుని ప్యాంటు పాకెట్ కాలిపోయింది. 

అయితే ఈ ప్రమాదంలో వ్యక్తికి ఎలాంటి హాని కలగలేదు. ఫోన్ ఇలా ఎందుకు పేలిందని స్థానికులు ఆరా తీస్తున్నారు. సాధారణంగా ఎండ వేడిమిని తట్టుకోలేక మొబైల్​ ఫోన్​లు పేలుతుంటాయని నిపుణులు పేర్కొంటున్నారు. ఎండలో బాగా ఫోన్​ను ఉపయోగించడం వల్లగానీ, లేదా ఫోన్​ కంపెనీకి సంబంధించిన ఛార్జర్​ కాకుండా వేరే ఛార్జర్​ను ఉపయోగించడం వల్ల ఇటువంటి ఘటనలు జరుగుతుంటాయని వారు చెబుతున్నారు.