రాహుల్‌ గాంధీ ఈ జన్మలో ప్రధానమంత్రి అయ్యే అవకాశం లేదు : కిషన్‌రెడ్డి - Kishan Reddy Comments on Congress

Kishan Reddy Comments on Congress : లోక్​సభ ఎన్నికల్లో అత్యధిక సీట్లు కైవసమే లక్ష్యంగా బీజేపీ పనిచేస్తుందని ఆ పార్టీ రాష్ట్ర అధ్యక్షులు కిషన్‌రెడ్డి అన్నారు. హైదరాబాద్ నాంపల్లిలోని బీజేపీ రాష్ట్ర కార్యాలయంలో నిర్వహించిన కిషన్ రెడ్డి అధ్యక్షతన పార్టీ పదాధికారుల సమావేశం జరిగింది. అమలు కానీ హామీలిచ్చి రాష్ట్రంలో కాంగ్రెస్‌ అధికారంలోకి వచ్చిందని, రాహుల్‌ గాంధీ మాత్రం ఈ జన్మలో ప్రధానమంత్రి అయ్యే అవకాశం లేదని ఎద్దేవా చేశారు.

Kishan Reddy meeting with BJP Leaders : భారతీయ జనతా పార్టీకి, నరేంద్ర మోదీకి అండగా ఉండటానికి తెలంగాణ మహిళలు సిద్ధంగా ఉన్నారని కిషన్‌రెడ్డి అన్నారు. సంవత్సరానికి ప్రతి రైతుకు ఎకరం చొప్పున రూ.20 వేల సబ్సిడీ బీజేపీ ప్రభుత్వం అందిస్తోందని చెప్పారు. ఈ సమావేశానికి ఎంపీ లక్ష్మణ్, డీకే అరుణ, బండి సంజయ్, సునీల్ బన్సల్, తరుణ్ చుగ్​తో పాటు పార్టీ లోక్‌సభ అభ్యర్థులు హాజరయ్యారు. అనంతరం ఎన్నికల ప్రచార వ్యూహాలపై అభ్యర్థులకు దిశా నిర్దేశం చేసిన కేంద్రమంత్రి, ఎన్నికల హామీలను కాంగ్రెస్ ప్రభుత్వం అమలు చేసేలా ఒత్తిడి తీసుకురావాలని నేతలకు పిలుపునిచ్చారు.